港男創業年薪700K 女友要求移民加拿大陷兩難：我盤生意點算？

女友提議一同移民加拿大

早前有港男在連登討論區上以「女友叫我移民加拿大去唔去好？」為題發文，指女友提出一同移民加拿大，然而樓主正在香港創業，因此陷入了兩難。

樓主表示，自己正在經營一間小公司，年收入大約60萬至70萬，又指業主十分好人，6年來只是象徵式加租1000元，在疫情嚴峻的時候甚至減半租。近日樓主約滿續租，並且花10萬將公司略為裝修。

樓主續指，女友在加拿大土生土長，大學之後跟父親回流香港，在銀行任職，但覺得香港的節奏太快，以及做金融要「跑數」感到很大壓力。女友父親原本經營珠寶廠，後來中風去世，給女友留下一筆遺產。

因此，女友計畫辭職，並邀請男友一同返回加拿大定居。樓主表示「人生路不熟有啲淆」，但又希望女友陪伴在側，於是拋出兩個選項，詢問網民意見。

1. 移民，難得有機會去闖下，過去幾年攞居留都好，真係唔慣先返香港
2. 唔移民，叫女友留喺香港陪我

網民力勸留港

帖文引來網民熱討，大部分網民投票支持樓主移民加拿大，不過留言多數勸樓主考慮清楚，認為現階段放棄公司生意十分可惜：

• 「你不如叫女友同你一齊做生意試一年先啦」
• 「啱啱先續租又裝修咗，我諗雖然同業主有得傾退租，但覺得好嘥」
• 「都係唔好走，去到有唔順境時，只會更多埋怨同後悔」
• 「有考慮，都唔洗諗，分手，你有你賺錢，佢有佢翻加拿大」
• 「加拿大搵得返一年600-700k同一盤上咗軌道嘅生意仔？」
• 「加拿大唔係一個畀樓主闖嘅地方，係一個退休地方」
• 「到最後跟咗其中一個人既決定，未必幸福，另一方一定會成日覺得自己放棄咗太多嘢，為咗對方點點點，最終都會分開」
• 「去半旅行半生活，體驗一個月，睇下啱唔啱自己先，除非你盤生意仔連一個月都行唔開」

有網民提議將公司交給別人打理，移民創業兩不誤：

• 「盤生意搵人接手/夾囉，去到外國你象徵式收返10k一個月」
• 「請個人幫手睇鋪頭，自己就去加拿大，settle好咪做太空人兩邊走/轉做網店」

延伸閱讀：出錯糧好小事！盤點HR最誇張失誤：自薦跟進裝修報價 爛尾工程累公司賠80萬

延伸閱讀：家姐欠債37萬 示意家人幫手還債：唔幫佢還，追數佬又煩屋企，點算好？