YEN跌遊日本好SO？ 你就錯了……
廣告
日圓又再跌返6.2算，係近三個月低位，好多人聽到都心郁郁， 吼定聖誕檔期攞假，湊夠旅行腳或者獨自深度遊，諗住飛日本過一個「超抵」白色聖誕。
咪住！雖然今日每百日圓兌港元仲維持6.29水平，但你以為咁就等於可以平遊一轉日本，就錯哂喇！
吓？典解嘅？
原因好簡單，聖誕假期係日本旅遊旺季，機票閒閒地都要4,000幾元先有交易，仲要講緊係廉航，未包寄艙行李費（去日本唔shopping掃貨又點得呢？）
加上好多人已經提早三個月前預訂機票加酒店，依家已經11月，聖誕假期出發的機位已經相當緊張，小編更聽聞回程機票一票難求呀！所以，貪YEN平而去日本洗嘅錢，可能係一個未知之數……
吓，乜實情係咁架！咁點算好呀？
唔洗驚！唔去日本，都仲有好多國家可以去。可能大家太在意日圓走勢，忽略咗其他貨幣一樣跌到好殘。例如歐元兌港元已經由接近9元回返落8.3算，澳元及紐元兌港元亦分別跌到落5.3算及5算。
最緊要既係，原來聖誕假期去歐洲及澳洲的機票唔算貴，小編都做咗資料搜集，發現機票價錢其實同飛去日本差唔遠。
去意大利羅馬竟然唔洗6,000元，只係貴過日本廉航機票少少咋。飛去西班牙及德國都係7,000元有找。至於去澳洲的話，搭國泰直航都只係8,000幾元，畀著以前，聖誕澳洲機票最少過萬元。
睇完以上比較後，大家去旅行識揀啦﹗
（出發日期均以12月24日、機票價格以今日為準）
