90後未過試用期辭職 網民：記住派散水餅俾部電腦
廣告
剛剛過去嘅6月至7月，香港有唔少畢業生已經加入咗呢個本地最大嘅戰場，但既然係職場新力軍，自然會對新崗位有所唔熟悉。有未過試用期嘅巴打就決定咗辭職，但又唔知應否派散水餅。
資料來源：連登討論區 圖片來源：visualhunt、新傳媒圖片庫
巴打係連登討論區發文後，旋即引起大量嘅網民留言，為呢位職場新力軍指點迷津。有網友一開始已表明跟本毫無必要係公司派散水餅，散水餅原意係同共事嘅同事道別同多謝佢地任期內嘅幫助。
作為一位試用期都未過嘅新人，根本要派嘅餅數應該很少，只會有好少數嘅同事同巴打有接觸。有網友甚至留言巴打走嘅時候，分分鐘同事都未記得其全名。
除咗有網友指出除咗返緊intern外，可以博得到return offer，為自己未來搵工多一條路之外，網友大部分都認為咁派散水餅無疑係做壞規距。
甚至有網友認為成日要係office食散水餅根本會阻住其他人工作，既然會阻到人做嘢，咪又只係影響到其他人，派散水餅為留職同事打氣嘅意義只會無咗。有網友就留言話散水餅應該派俾最熟嘅「同事」，分分鐘可能係部電腦。
當中自然有理性嘅巴打甚至認為派散水餅係可以，但應該係你下一份工搵到唔少錢嘅情況之下先派，若果運自己都養唔掂，又何來有錢買散水餅呢？
當中散水餅嘅原意都只係同相處咗幾年嘅同事作一個正式嘅道別，多謝係工作期間一直以來嘅指導，亦都為呢段關係好來好去。
但時移世易，慢慢地散水餅都開始失去了原有的意義，變成了得到return offer嘅其中一個手段，甚至淪為在網上炫耀的手段之一，筆者都有點睇唔透。
