2018年換新身份證 5大注意事項
2018年換新身份證 5大注意事項
2018年換新身份證，要留意 5大注意事項重難日木
唔知大家滿唔滿意自己而家張身份證呢？筆者就唔多滿意，因為身份證張相「太薯」喇！每次見到都好想遮住佢，有時朋友想拎嚟睇都唔敢拎出嚟見人。
好彩！而家有機會再影過張身份證相！因為現時張智能身份證都已經用咗十幾年，政府將於2018年起分階段為全港市民免費換新一代智能身份證，大家有機會重新影過一張「靚靚仔仔」嘅證件相喇！
究竟新一代嘅身份證有咩特別之處呢？一齊睇睇新身份證5大特點！
1.耐用卡身物料：
新一代智能身份證轉用聚碳酸不碎膠（Polycarbonate），會更加堅硬同耐用，而且有更好嘅印刷效果。
2.晶片容量更大：
晶片容量由現時最大為36KB，增加至80KB，所以可以儲存更高解像度嘅相片同指模，讀取資料數據會更快。資料保安仲要係雙重加密 ，比現有身份證更有保障。
3.相片更加清晰：
新一代智能身份證相片係用優化灰階激光技術蝕刻印製，雖然都係黑白色，但解像度會更高，會更加高清。對上一次換證時，可以影兩次再揀相，預計今次都有得揀，揀相時記得落足眼力揀張最靚同最啱心水嘅！
4.多重防偽特徵：
新身份證會用最新防偽特徵，包括透視窗（See-through window）、新一代全息圖（Hologram Effect）、透鏡狀效果（Lenticular Effect）同堆彩色紫外線圖案（Full-colour UV Image）等。
5.加快過關時間：
用新身份證過關時會快咗4秒，由12秒縮短到8秒就過到關。
市民在明年就可以分階段免費更換新身份證，屆時會設立9間臨時換領中心，預計2022年完成整個換證計劃。
入境處9個換證中心地區
- 港島
- 九龍西
- 九龍東
- 荃灣
- 屯門
- 元朗
- 上水
- 沙田
- 將軍澳
資料來源：入境事務處、立法會
帶身份證出街是常識，但你又知不知道身份證號碼有特別意思？英文字母更是代表某一個年齡層？
1. 中文電碼的由來
中文電碼是一組組數字，但原來編排代表不同中文字。1873年，法國駐華人員威基傑參照《康熙字典》部首排列法，挑選較常用近7000個漢字，編成第一部漢字電碼本《電報新書》﹔
到1880年，由清政府僱用丹麥人設計中文漢字電報，漢字會先按部首後按筆劃排列，由 0001 到 9999 按四位數順序排列，去代表不同中文字，中文電碼就是這樣來，而且一直沿用至今。
2. 出生日期下的「***AZ」
出生日期下「***AZ」(例子)，當中代表出生資料的附加說明，說明身份證持有人的出生地點，以及居留狀況，例如「***」是 18 歲以上，「A」是持證人擁有香港居留權。
3. 身份證號碼的英文字頭
1949年，香港發出第一張身份證，身份證號碼就沿用「1+6+1」編制，以單個英文字母為首。
70年代前，英文字頭以身份證簽發地區決定，如在港島區獲發身份證，字首是 A、D、H﹔在九龍區簽發的是 B、E、G﹔在新界區簽發的是 C，外籍人士就用 X 開首。到70年代，政府把簽發區域統一改為 K 和 P。
80年代開始，政府統一身分證號碼與出世紙編號，身份證字頭由 Z 開始逆向使用剩餘的字母，例如 88 年中後期到 98 年中後期在港出生的人就會用上 Y。
4. 括號內數字可用數式計算
身份證號碼「1+6+1」編制，中間的 6 位數字是隨機，但最後一位數字是用作驗證碼，當中可用數式計算。
先將英文字首順序代入數字，如 A=1，B=2，C=3，如此類推，到 Y=25，Z=26。之後按位順，第 1 個位 x 8，第 2 個位 x 7，第 3 個位 x 6，最後第 7 個位 x 2。
算式得出的結果要加上一定數目才能被 11 整除，而該一定數目，就是括號內的驗證碼。如果該數目等於 10，括號內會用 A 代表。
