10個動作令你一眼看穿對方

1.願意同你一齊大聲笑＝想做朋友

當你講笑或搞笑時，如果對方會俾反應，又會跟住你一齊哈哈大笑的話，即代表佢對你有興趣，甚至想同你做朋友。

2.嘴唇緊閉／皺眉頭＝有壓力

當一個人覺得有壓力或受到威脅時，好多時都會出現嘴唇緊閉或皺眉頭呢類肢體動作。

3.說話音調出現改變=對話題有興趣

一個人對某個話題有興趣時，女仔嘅說話音調會提高，而男仔就會降低。

4.翹手=防衛心重

如果一個人經常有翹手呢個姿勢，代表佢係比較有戒心。當然，都要睇吓係咩情況，例如無所事事，雙手又唔知點擺時，又或者坐嘅凳無把手的話，都會令人有翹手呢個習慣。

5.有eye contact=有興趣/係威脅

當有人眼睛係直視你時，即表示佢對你有興趣，又或者係因為覺得有威脅，所以要用眼神望實你，令你覺得好驚同有恐懼。

6.但當對方直視你對眼太耐＝講大話

有人為咗避免被人識穿自己講大話，但又好想表現到好真誠咁，所以特登只係望住對方對眼。當你發覺到對方一直直視你對眼而又無移開過，對方就好有可能係講緊大話呢～

7.微笑時眼角四周無皺紋＝假笑

當一個人微笑時，眼角四周唔多唔少都會出現皺紋。當對方笑嗰陣只係嘴角上揚，但眼睛四周肌肉無出現任何變化，就表示對方其實係「假笑」。

8.當對方開始模仿你嘅肢體動作＝大家幾夾

如果兩個人係好投契，又相處融洽的話，就會開始模仿對方嘅肢體動作。如果你發現對方開始跟著自己改變肢體動作時，就表示大家都幾夾吓。

9.當對方做一連串肢體動作＝鍾意你

當你吸引到對方，對方係會不自覺地同好唔冷靜咁做出一連串嘅肢體動作去表達心意，令你感覺到。

10.翹腿＝抵抗

翹腿某程度上係反映一個人身體、心理同情感上係抵抗，唔願意去接受對方。如果開會時遇到有人翹腿呢個動作，係會令人覺得好有距離感，而且唔易溝通。

資料來源：Inc.