黃子華神話不滅 6個打不死職場理論+10大職場金句

1. 長尾理論

只要你經營得好，就算唔受歡迎嘅貨，都可以為公司帶來利潤的現象。有冇試過入咗啲貨賣唔出，好頭痛呢？

呢個理論就係話你知，貨尾賣唔出嘅貨，只要個尾（銷售時間）拖得夠長就得，就可以搵到啱客源，咁就可以將貨品賣出去，一樣可以幫你賺錢！

2. 鯰魚效應

呢個理論重點在於提升員工嘅生產力，就係通過引入新競爭，刺激同事嘅上進心，從而提升生產力。就好似咁，一個魚池，將條鯰魚放落去，其他魚就因為怕俾佢食落肚，就會不停好努力咁游。

以人力資源學實際例子講，就係請一個醒目嘅同事，刺激其他人就會更加努力做野。所以如何果你見公司請在個話頭醒尾嘅好同事，你可能要勤力啲啦！

3. 等價交換

道理好簡單，就係人地喺你身上得到咩好處，同樣你都要喺別人身上得到同等價值嘅好處。

第一集嘅「絕代商驕」就教你，做人要學識「等價交換」，千祈唔好俾人搵笨。做生意都一樣，小心唔好著數晒俾人，要互惠互利，正所謂win win 雙嬴！

4. 合理化煙幕

合理化係針對顧客嘅觀點，令顧客覺得商品價格同質量的相乎。而商家就通過制造合理化煙幕，增加銷售量，減少總體平均成本，增加利潤。

劇中嘅黃子華（麥提爽）提出過一個例子：大爆谷同細爆谷花只差2元，大家都會唔介意俾多兩蚊買大爆谷。但係其實商家係有賺多咗，因為固定成本無變，而賣多咗，咁平均成本就少咗，同薄利多銷嘅原理一樣。

5. 黑天鵝效應

呢個述語在英國「脫歐」公投嗰日應該聽過好多次，其實呢個述語係來自納西姆尼可拉斯塔雷伯嘅作品，「黑天鵝」嘅意思係睇落極度無可能發生，但竟然又發生咗嘅事。

其實呢個效應有三個特點：

1)之前嘅經驗令大家都覺得呢件事無可能發生，係一般期望嘅範圍之外
2)呢件事會有好大影響同衝擊
3)發生咗件事之後，好多人解釋「其實發生都好正常呀！」

6. 黑武士、白武士

唔知大家仲記唔記得，劇中嘅黃子華（麥提爽）就係一個扮黑武士嘅白武士。好似好復雜，其實好簡單。

黑武士就係收購一間公司之後轉賣俾第三方，佢地嘅唯一目標就係賺錢。呢種商人多數都俾人話心狠手棘同冇良心。

白武士係好人，會出手幫一啲遭受第三方惡意收購的公司，向佢地提出善意收購。例如開個高啲價錢，打走惡意收購嘅公司。

黃子華「棟篤笑」的演出，每次都爆出不少金句。究竟大家對那一句經典語錄最難忘呢？小編抽出10句關於職場及社會議題的金句，讓大家一次回味一番！

黃子華10條經典金句

– 人類有人類自己嘅食物鏈，人類嘅食物鏈簡單好多，只有三種：最下層係無產，中層係中產，頂層係X家產！

– 老闆畀份人工你，一半係畀你做嘢嘅，一半係畀你受氣嘅！

– 一千幾百，猶如垃圾，富貴於我如浮雲……但係浮雲於我如命根啊。

– D老板成日話D員工做野都唔攞個心出嚟，激死人……D員工就成日話老板都唔攞嚿金出嚟，洗死人！

– 我有一份工，叫做陰功。

– 人類嘅終極理想都係不勞而獲，你呢種態度呢係一個好正常人嘅態度嚟架！

– 若要人不知，唔好太低B！

– 鞠躬盡瘁死而後已…If I try so hard, I will die after worst.

– 百佳呢個名改得好，咁大間舖頭只係得100樣嘢係佳。呢D咪叫做謙虛囉！

– 香港嘅精神，就係「冇精神」。