網民怒轟麥當勞優惠券「反智」2大問題當消費者水魚：跟本就係想陰你

網民鬧爆：麥當勞優惠券好反智

最近有網民在討論區大鬧麥當勞近期推出的優惠券，指這些優惠券「明明同原價一樣，喺度扮有優惠呃人，根本就冇平到！」附上的圖片為兩款甜品小食，包括香芋批和珍珠奶茶味麥旋風，原價$11的香芋批在優惠券上以同價列出，原價$17的珍珠奶茶味麥旋風亦出現同樣情況。

網民嘲：佢9成9優惠券都係扮有優惠

網民對此事亦大感不平，認為麥當勞不應欺騙顧客「基本上佢9成9優惠券都係扮有優惠，係咪可以商品說明條例告佢」、「跟本就係想陰你，等你以為有優惠所以去買，勁X街！」、「其實應該可以報海關投訴不良營銷手法」，又有網民認為既然券上列明「優惠有效期：26/02/2024-03/03/2024 手機訂餐及餐廳訂餐優惠」，就應做出與原價不同的優惠價，「我個日用app去到睇一樣價都嚇窒左」、「已經發現咗一排佢所謂優惠券根本就係正價」、「最好笑仲寫住可重用」、「之前早晨個優惠餐都係咁」。

更有網民認為，這種手法看似對兩邊都沒有損失，但其實明顯係想陰消費者：「看似用咗張同樣價錢嘅「優惠券」對消費者冇損失，對麥當勞亦冇賺，但你冇平過又打住「優惠」嘅旗號宣傳，其實係會吸引到人覺得麥當勞做咗優惠，繼而特登去買，由冇意欲買變成有；第二，用咗呢個同樣價錢嘅優惠後，因為優惠券不能重疊使用，所以係仲蝕多咗個用其他優惠券嘅機會！」