傳香港航空今日裁最少170人 員工一起身就收「大信封」需即日離職：有無理過我哋感受？｜武漢肺炎
編輯：Smart ED編輯部 ｜圖片：受訪者提供
仍未知賠償安排 港航員工：出email就好快手
有港航員工向本網表示，今日一覺醒來起身就收到「大信封」，之前有聽過公司會裁員，但沒意料到如此突然，一開眼就被辭職。再有一位港航員工表示：「佢（港航）出email 好快手，知會你一聲就算嫁啦！我覺得公司打電話係可能話俾我地聽叫你check email 。打得通就講，打唔通公司SMS俾你。係最難搵工嘅日子下，公司有無理過員工感受？依加咪要硬食囉。今次大圍炒人，點解俾人炒都唔知，你（公司）同講我成日Sick Leave，No Show所以要炒你，我都覺得條氣順啲，無人知公司以咩準則炒人，身家清白無收過Warning都要被人炒。」
據電郵內容指，2月19日為最後工作天，而最後僱用日期為今年3月18日，換句話說受到通知的員工需即日離職。他說，今次裁減的員工主要為乘務長及機艙服務員，估計公司今日最少會裁員170人，涉及高級乘務長（SP ）、乘務長（fp）及機艙服務員等，亦有部份同事表示，過去未收過警告信，並不理解公司裁員準則。
港航曾於本月7日向員工發電郵，未來將會裁員400人，同時要求地勤人員每月放無薪假最少14日。
相關文章：香港航空裁員400人 地勤人員每月放無薪假最少14日｜武漢肺炎
香港航空今日起暫停飛機餐
新型冠狀病毒肺炎確診人數不斷增加，各國實施旅遊限制下，航空業打擊甚深。國泰及香港航空除不斷縮減航班及運力，更大幅削減機上服務。香港航空為減低機組人員及乘客的感染風險，除限制機艙活動，明天（19日）起所有航班將暫停飛機餐。
香港航空表示，為減低顧客和乘務員接觸到新型冠狀病毒的風險以及加強預防措施，將臨時調整機上服務，除了不會提供被和枕頭，也不會提供雜誌及報紙，而且機上餐膳服務只會剩下水，其中會為商務艙乘客提供支裝水，經濟艙乘客則有盒裝水。香港航空強調，未來將繼續密切監察有關情況，並會在有需要時調整機上服務。
相關文章：港航大削機艙八成口罩 全機只有1支酒精搓手液 機組人員轟無保障
以下航線臨時暫停/調整服務班次
因應新型冠狀病毒爆發的情況迅速變化，香港航空已調整以下航班服務：
中國大陸
成都、重慶及貴陽 – 2月1日起
三亞 – 2月11日起
杭州及南京 – 2月20日起
亞洲
河內 – 2月10日起
馬累 – 2月11日起
岡山 – 2月10日起
米子 – 2月25日起
鹿兒島 – 3月2日起
以下航線臨時調整服務班次至2020年3月28日
中國大陸
北京、上海及海口 – 每日1班
亞洲
曼谷 – 每週18班
峇里島 – 每日1班
沖繩及大阪 – 每日1班
札幌 – 每週9班
東京 – 每日2班
台北 – 每日2班
首爾仁川 – 每週4班
