港媽搭香港航空因39KG行李被罰6位數 網民︰無知唔係無敵㗎
港媽行李重39kg被罰款6位數 上網苦呻：而家香港航空唔包行李咩？
近日港媽以「行李費100,600日圓」 為題，在親子王國討論區發帖，稱自己經由Trip.com購買從香港飛往北海道的機票，由於乘搭廉航樂桃航空，因此事主就加購額外的寄艙行李費用；而回程就乘搭香港航空從北海道飛往香港，事主透露：「（香港航空）不是廉航以為包行李，去到櫃枱check-in要我畀100,600日圓（約5,293港元），寄倉行李39KG（費用），我見不止我們無買，還有部份旅客情況一樣。我想知而家香港航空唔包行李嘅咩？」
疫情後多間航空公司改政策 採取行李額外收費做法
帖文引起不少網民討論，不少人認為樓主大頭蝦未睇清楚就買機票，雖然香港航空不是廉航，不過疫情後已經修改相關政策，購買機票的同時，需要選購行李限額。另外亦有網民認為購買機票的同時，網站會彈出一個頁面讓乘客選擇適合自己的行李重量，因此網民紛紛留言表示：「香港航空分三種票價，冇行李、20kg 、30kg」、「買機票時有選項畀你揀買幾多kg行李，你唔睇清楚，今次當交學費囉」、「疫情過後，航空公司營運方法已經改變咗好多，買機票真係要小心睇晒所有條款」、「如果包行李，買咗嘅機票會有寫，唔寫即係冇包啦，自己有責任去睇，就算包也要知包幾多kg行李」。因此有網民教路用EMS把行李寄回香港，這樣價錢可以便宜一半。
港媽遭網民鬧爆自私：無知唔係無敵㗎
不過亦有網民認為就算航空公司免費包行李限額，都唔會包39kg的行李，因此就有網民紛紛鬧爆事主：「無知唔係無敵㗎，係可怕咋」、「機票有寫包幾種行李㗎！唔係話唔係廉航就幾重都得」、「39kg 已經有成個少女咁重」、「就算機票包1件行李， 39kg都肯定超重， 樓主完全冇諗過真係奇」、「除非佢係business class包40kg，其餘最多包20-30kg，Basic Economy Class係冇包行李」、「『以為』⋯⋯去旅行買機票都唔睇包唔包行李？自膠都衝出嚟」。
網民好奇：香港航空係唔係廉航？
而另一邊廂最多人討論的是「香港航空到底係咪廉航」，有人留言指「港航不嬲都係廉航」，但隨即有人反駁稱事實並非如此，而另外再有網民解釋「以前唔係，但而家同廉航無咩分別，買港航機票時要注意，第一欄是不包含任何行李。要選貴一點的第二欄。但是食物只給麵包和飲品，確實已經變廉航。但坐商務艙就一樣什麼都沒變。對它家很失望倒是真的」，但網民仍感困惑，指「咁樣都算廉航好多美國公司北歐航空同芬蘭航空都可以係」，更有網民指「一直以為HK Express係香港航空! 根本唔知有間叫HK Airlines，一直覺得係廉航⋯⋯」。
