政府倡搞旺香港夜市 港人力數3點無可能做到：到時仲衰！
港九新界販商社團聯合會主席：尖東海傍應擺過百檔熟食
財爺出聲要搞好香港夜市，即有各界人士紛紛提出意見，港九新界販商社團聯合會主席陳錦榮更於電台接受訪問時指「非常時期要用非常手段」，政府要抱「救市」態度，「思維要開放啲」。他續言，對店舖阻街及車輛違泊的情況應「寬鬆啲」，不應該「成日講住環境衞生啊治安啊，或者點樣影響人」。除此之外，他又建議政府派發只准入夜後使用的「晚市消費券」，並參考深圳珠海夜市的營運模式，在尖東海傍擺過百檔熟食並營業至凌晨4點，吸引旅客之餘亦令港人「一諗起就夜晚出嚟食嘢」，是一個好去處。
然而，網民即留言「講笑」，指「K11 Musea真係同檔口好夾」、「嘥氣啦，出去買串魚蛋或者碗仔翅都抄牌，唔通我泊入停車場咩」、「搞到尖沙咀呢個地標成個cheap晒，你真係天才嚟！」、「一聽就覺得真係好有腦」、「搞唔搞地攤經濟？」、「其實…廟街咪夜市囉…但有遊客咩」。
政府力推搞旺香港夜市 議員即建議重推旺角行人專用區
財政司司長陳茂波近日發表網誌，當中提到香港仍需不斷提升自身的競爭力和吸引力，根據旅發局調查，內地旅客的消費習慣改變，以購物作為主要來港目的的比例，較疫情前下降，不少旅客來港旅遊更多為參與文化、藝術和展覽活動，或者觀賞大型演唱會等，表明客人重視產品和服務的特色、創意、質素和用戶體驗。短期內政府要與業界合力搞活搞旺香港的夜市，更好鞏固復甦中的各個經濟環節，保持復甦動力，中長遠要繼續為香港發展增添動能。
隨著財爺一番話，有議員即提議重開2018年被「殺街」的旺角行人專用區，指現時晚上冷清清，想「篤串魚蛋都無」，更指商場8至9點已經關門，旅客想行街都無得行，重開行專用區可令人流氣氛有所帶動。另外，亦有人建議政府可鼓勵重推戲院「午夜場」，大型商場推遲關門時間等；而政府康體服務亦可推行局部通宵服務，例如圖書館、博物館、室內運動場、西九文化區M+、故宮文化博物館也可加設「夜場」；政府部分服務如運輸署續牌亦可嘗試推展夜間服務。
商戶：唔希望只集中一區推動夜市
有酒吧業及餐飲業人士指樂見夜市經濟，但不希望只集中在某一區，認為要大型活動才可刺激消費。不過有商戶表示重推夜市根本對生意未有幫助，指「如果畀小販喺街開檔，又搶店舖D客；夜市夜晚先搞，咁朝早D舖頭同人流食X啊？」、「以前夜市係由無牌小販為生計開檔，咁而家係咪唔使申請牌照先？係咪食環唔拉人先？晚上在街唱歌有噪音有投訴係咪唔理先？」
網民：真係時光倒流七十年
另外，網民對於「殺街翻生」的做法感到頭都大，指「以前話有好多問題造成，所以殺街；殺咗幾年，而家又話可以重推，真係有無諗過好矛盾」、「呢個美麗新香港真係無嘢好講；短短數年就可以將香港打回民初時。突然想起一套經典：時光倒流七十年，但物價係2023年」、「疫情期間不是香港、其實好多地區改變了消費模式、以往中上豪客已經少了一半以上、好似澳門遊客復常好快、但大部份遊客都是圍繞新賭場新酒店消費、本地消費民生區同香港一樣吉舖林立、就算台北東京曼谷都一樣、香港辦夜攤大笪地消費、又影響正常店舖運作」、「我擔心咁搞法，租鋪頭和商場個d會唔會集體退場」。
