邊個老細最闊佬？

2013年耀才證券金融(01428)發「盈喜」，明顯心情大好，主席葉茂林喺公司週年晚宴上，向員工豪派450萬元。其中包括市值419萬元嘅耀才股份，以及總值30萬元獎金獎品。雖然只有30位員工有耀才股份，但每位到場員工都有500元大利是。

2015年葉茂林生日，覺得高興又話派100萬元畀員工，即係平均每人派成3,000元。

恒基主席李兆基(四叔)

2006年恒基地產(00012)主席李兆基個仔李家誠娶徐子淇時，四叔向恒地每名直屬員工豪派10,000元大利是，合共派成千萬元。

之後2007年徐子淇大女晞彤出世，每人又派10,000元大利是；去到09年李家誠二女晞兒出世，因金融海嘯，四叔以居安思危為理由無派錢。但去到2010年大仔李家傑的三胞胎出世，四叔都冇偏心，一樣有派10,000元利是畀每位員工！

2011同今年，李家誠、同徐子淇的三子同四子俊熹同建熹出世，四叔照舊每次派10,000元，派錢永冇手軟！如果係恒地做足十年，大拿拿逗多50,000元利是。

「玩具大王」蔡志明

蔡志明長女蔡加敏結婚時，蔡志明派左成200萬元花紅畀員工。到次女蔡加敏結婚時，雖然無派錢畀員工，但有派錢比採訪傳媒，每人派三封500元利是，仲送香薰座、餐盒及五支總值10,000元的香檳畀傳媒享用！

阿里巴巴主席馬雲

阿里巴巴主席馬雲除派年終雙糧、年終獎同期權獎勵之外，於2012及2013年亦曾向全體員工派特別紅包。紅包價值喺視乎員工喺阿里巴巴年資而定，相信唔會比香港大富豪派既少！

另外，去年初有報道指，阿里最出色員工，傳聞可獲派9個月花紅，如果花紅少於4個月人士，反而代表表現差，有被炒危機。而今年初，網上曾有月薪20,000元人民幣的阿里員工在網上自爆，獲得15萬元人民幣以及3,000股阿里股票作獎金，有人初步計算，花紅達到100個月之多。