過去11年人工無升過 4成打工仔薪金更跌破「沙士價」

撰文：Nic Chan

這個研究由工聯會職業訓練及促進就業委員會進行，他們睇完政府統計處資料後發現，香港打工仔的名義工資指數，由2004年沙士後至今有45.7%升幅，不過扣除通脹後實質工資指數，只有0.5%增長，即係代表人工呢11年間根本無升過！反映打工仔人工咁多年，仍然處於「沙士價」水平！

來源：工聯會職業訓練及促進就業委員會

委員會又抽出8個特定行業做分析，發現其中「製造」、「進出口貿易、批發及零售」、「運輸」及「金融及保險活動」的打工仔，於11年間扣除通脹後的實質人工，有1.4%至9.4%跌幅，而因為這4個行業的就業人數，佔全港就業人數42.8%，所以得出「4成打工仔人工跌破『沙士價』」的結論！

以運輸業人工為例，一般貨車司機11年前收入可以每月淨賺30,000元，雖然現今收入沒有太大變幅，但油價、保養費等增加，令到現時每月淨賺跌至20,000元；而部分行業如飲食業，雖然人工沒有大變化，但被削減飯鐘、增加工時等，變相賺少咗！

資料圖片

雖然有行業人工跌破「沙士價」，不過只是佔全港打工仔4成，意味有6成人工有升幅啦？委員會的研究發現，「住宿及膳食服務活動」及「地產租賃及保養管理」於11年間，有1.2%及4.7%的升幅；至於「專業及商業服務」及「個人服務」升幅相對顯著，達到18.9%及23.9%。不過近年食物價格、樓價、交通費、電費等等，全部不斷上升，即使人工加幾多，其實轉頭都用晒，想真正有錢儲來退休，除非唔飲食唔瞓覺啦！

延伸閱讀：
【工作快樂程度調查 保險業最不快樂】
edigest.hk/Vip/detail?id=5706

【打工仔明年加薪3.5%至3.8%】
edigest.hk/Vip/detail?id=5661
【「港奴」打工仔 7個肯OT的理由】
edigest.hk/Vip/detail?id=5585