連登仔投訴茶餐廳 「凍檸茶無檸檬」業界踢爆慳$2內幕

惹食客誤會侍應俾少檸檬片

有網民在討論區呻「依家 d茶餐廳真係不務正業，加檸檬茶粉落檸檬茶」。不少人認為篤檸檬才能控制酸甜度。有食客曾誤以為侍應漏了放檸檬片，還跟侍應投訴，殊不知該茶餐廳早已凍檸茶無檸檬，回想起來覺得十分可笑。

茶餐廳被指為了控制成本，於是以粉代檸檬，皆因「而家一個檸檬好貴 $3-5一個。」

惟此舉惹來質疑：「香港人飲凍檸茶係要篤篤篤啲檸檬茶㗎喎！無檸檬，咁，點仲可以叫港式茶餐廳呀！」

網民派嬲

「依家 d茶餐廳真係不務正業，加檸檬茶粉落檸檬茶」

「咁不如用維他算啦，飲落冇咁嬲。」

「一滴香檸茶，遲啲有埋一滴香奶茶，唔拉茶都慳返。」

「完全無得控制，勁酸。」

「太少水就好杰一pat，太多水又稀又淡。最緊要係無茶味。」

「超級難飲。」

「連檸檬都慳，都冇心去做，執咗佢把喇。」

中央工場製作

檸檬來貨價愈來愈貴，導致有大型連鎖集團選擇以檸檬汁或檸檬沖劑代替，亦有茶餐廳索性減少檸檬片，以降低成本。

香港餐飲聯業協會會長黃家和早前接受《經濟一週》訪問表示，早已聽聞本地有餐廳改以榨取檸檬汁，作為調製檸檬茶的原料。他說有中央工場將整個檸檬榨取成汁液，用以「降低成本」。

黃家和表示近半年食材來貨價格急升，「食品成平均升幅達兩成。」

他指出檸檬的入口批發價約3-4元一個，「若果質量好，無農藥，好似南美玻利維亞出產的檸檬，入口價格會再貴啲。」

他估計每杯檸檬茶需用4片檸檬片，改用中央榨汁的估法，每杯飲品成本可省回3-4成。

然而，黃家和個人不贊成「凍檸沖劑」的方法，他說一來口感已大有不同，二來他認為榨汁若保存不當，經氧化後飲品會變得混濁。