26歲獨子$10K養全家想辭職 「有料到就走 冇料就接受現實」｜網民熱話
有網民建議父母退休應該有儲備，加上佢哋可以看更洗碗啲幫補吓。不過樓主回應自己雙親有病，攞緊殘津，似乎由父母方面改變現狀就不太可能。
唔少人都覺得樓主要 揾份新工先走人，唔好裸辭。不過同時都諒解到，樓主現時工作長期 ot.，意味難抽時間見工。但都係要把握機會，SL 射波見工。
樓主公開現時自己人工僅得$9,000，有OT錢，所以計埋大概係10k左右。見到樓主狀況，唔少人都認為，依家OT埋先得1皮，仲要養埋父母，完全係生活唔到。做份10K文職，不如揀做份15K的sales，仲可以有升職機會。
有人指樓主根本唔需要怕辭職，如果走咗都搵唔返10k的話，咁係個人嘅問題。
亦有建議樓主屋企附近搵份侍應，都有萬五加會包兩餐啦。
另外樓主唔怕日夜顛到的話可以揀保安，怕悶亦可揀跟車，起薪點都萬5。「1萬嘅工好難揾。去做份保安都至少萬二喇」
「做左3年都係得10k… 不如轉工轉行。
你咁生，做保安都唔止10k…
做飲食， sales ，新入職都起碼15k以上」
如果樓主有上心進的話，搵啲專業學師做吓，或者讀夜校讀專科，文職做一世似乎唔係出路。
有人提到，要搵舒服同hea工真心唔到樓主， 因為有家庭負擔。而樓主目前係極需要發奮揾多錢，以改善依家情況。
建議樓主如果想轉行的話，或走專業路線。可以留意下醫院，因為都經常性請人，起薪都不低於「萬三」，還可以透過推薦，升做護士。 若不介意「屎尿」厭惡，可以考慮一下，因為護士收入都算吸引。
另外同類型嘅建議有護老院的工種，有些是包在院舍食飯。而餐飲業的，就包你返工時間內的飲食。都有五天工作，聲稱都有「萬三」。
「其他行業都有「萬三」起薪，你要OT才有一萬，找過另一份。
每月多三千，三個月都接近多一萬元，仲要包伙食。」
相同經驗者表示：
網民A：我小學學歷，第1份工做跟車9000，第1年9千，第2年1萬，第3年萬1，第4年萬2，第5年轉做司機13750，做了司機半年走人轉工，做了捱了4年決定考個車牌做司機，唔洗看人臉色，依㗎人工2萬，我29歲，我得，樓主都得
網民B：當年做文員,發覺冇乜前途,做左7個月就辭職(未揾到新工),被老媽鬧到飛起,好在跟住揾到份SHIFT,人工差不多
多一倍,在呢段時間,走去讀左HD(因為SHIFT,可以返日校),畢業時剛好有個政府獎學金去英國,返香港份工差不多
做左20年,不過最近辭左職,去做一D自己鐘意ge野
PS.一份full time 工+一個full time返學都幾辛苦,總共捱左4年,不過值得
其他網民精警留言：
「做工程啦，學bim，2萬幾一个月」
「趁年輕，唔好貪圖安逸，文員仔，俾你做多十年都係萬令蚊文員仔。快趁後生，學門手藝」
「小休一會，找份冇壓力的勞動工作。 但如你話勞動好辛苦，咁就不要埋怨不滿。
大把又要勞動又有壓力人工也不高的人比比皆是！」
「 同你差唔多，不過我翻五日/7個半鐘唔使OT~~~平時好閑，平均一日可能系度上網玩4個鐘頭。養懶左個身，想走但又唔想走」
