【網民熱話】辭職遞信後 日日被上司黑面 網民硬食 怕冇Reference letter

撰文：浩德   ｜ 圖片：討論區截圖、unsplash｜資料來源：香港討論區

辭職遞信後 被上司黑面

近日有網民在討論區以「遞信後，日日比（俾）上司黑面」發文分享，指自己因健康理由辭職遞信，但上司卻不信，更要樓主交出醫療報告。

最後樓主更應上司要求留在公司做多半個月及待公司請到人才離開，原因是怕冇Reference letter。

但此後樓主就「日日比（俾）上司黑面」，令他深感無奈。

網民：「唔撈係最惡，怕佢有牙!」

大部分看過樓主的遭遇後，都認為樓主大可不必理由上司，表示上司此舉志在想他難受，更應該應該開開心心咁過埋喺公司餘下嘅時間，「日日嬉皮笑面激死佢」。

有網民直言：「你 X 返佢都伸得，怕乜」而且，「唔撈係最惡，怕佢有牙！」

有心水清網民就指出，上司其實無權睇樓主的醫療報告，因為那是私隱。

也有網民指「走咪走囉，調轉頭佢郁你會唔會比（俾）証明你」

然而樓主就指自己因怕冇reference letter，所以當初才答應上司要求留在公司做多半個月及待公司請到人才離開。

樓主續指現時也很後悔當初應承上司多留半個月，但「如果反口就變成係我衰咁，唉….」

亦因為上司質疑樓主扮病，令他「心有不甘，自問真係捱到出病」

有網民指「對住啲衰上司，跟足奴（勞）工法例個通知期要求就夠啦」不用等到有人接手才走。

「佢十年請唔到人，你唔通等佢十年？到佢請到人，佢又話想你教識埋個新人先走，唔通你又心軟應承佢？點知個新人做兩人就唔撈喎，唔通你又再等佢請到人為止？不如你問返上司，如果掉返轉係公司縮皮想炒伙計魷魚果時，可唔可以要求公司等我搵到新工之後先至掃我出門口？」

最後，有網民說出重點，就是「HR一定會出工作證明給你 而你就千萬不要為老板封Reference Letter而受屈」

因為就算最後上司肯出俾你，但「黑你面都唔會寫好你啦」

的確，職場上沒有永遠的敵人，「凡事留一線，日後好相見」的道理很多人都明白。

但既然上司用其行為告訴你他的不滿與不信任，作為已辭職下屬的你，其實也不用再妄想他會為你撰寫一封完美的Reference Letter吧。