讀咁多書人工得$13,000 每次聽到都想喊
撰文：Purple弟弟｜圖片：電視截圖
當年小弟誤信讒言，聽咗啲師兄、老師講跟興趣揀科，最後揀咗讀social science呢個被後世年輕人冠名嘅「神科」，成個課程又真係無學到啲咩實質技能，學習咗一肚子嘅理論但收入竟然無法果腹自我，實是諷刺！
我前往ATM將今個月嘅所有人工＄13,000全數提出，然後扣除日常交通伙食同基本娛樂費用，淨低嘅都係上貢母親大人。
晚飯過後，我趁屋企人睇緊電視諗住送上家用表心意。
「媽咪，今個月家用啊！」
「吓，得6000蚊咁少！」
心中嘅無名火已經悄悄燃起：「已經差唔多半份糧仲想點！」
「你正一衰仔嚟，比咁多錢你去讀書，讀屎片㗎，搵得果萬三你不如去洗碗！」
我靜了…..
我一言不發唔係因為我認同娘親所言甚是，而係我明知佢呢種思想係錯嘅，但我完全反駁唔到，嗯！的確洗碗都高人工過我。
凝結咗嘅對話令背景嘅新聞台旁白更為鮮明：「早前襲擊誤闖禁區遊人嘅老虎已經被擊斃！」
冇錯，我就係果隻老虎，錯嘅唔係我，但被人槍決受罪嘅卻係我！
「讀咁多書搵$13,000 」每次聽到都好似要無故俾人拉去打靶咁，你話會唔會想喊啊？
延伸閱讀：
人工13,000蚊 好想向上流 思想窮比銀包空可怕100倍
「近朱者赤，近墨者黑」人人都聽過，不過矛盾嘅係又有物以類聚呢樣嘢，我自認我係偏向「黑」果方面嘅人，咁我咪成世都「近朱」唔到？我人工唔高，只係得$13,000，身邊同事都差唔多。雖然我唔係好等錢養家，但我出社會後反而比讀書時期更努力，更想向上流，因為我接受唔到我身處嘅圈子！
唔係歧視窮 而係歧視佢哋特質
相信唔少人都聽過對於某部分男仔嚟講，女仔講粗口係佢哋心目中係加分！
好多人會不解，但其實佢哋都知「講粗口」呢樣嘢唔係好事，但佢哋鍾意嘅係「講粗口」呢種女仔嘅特質。
因為好多時呢類女仔會比較不拘小節、收放自如，對住朋友可以好癲，對住屋企人又可以文雅端莊。
窮人的3大特質
同樣地我唔係討厭窮人，更何況我都係。
而係我頂唔順佢哋嘅特質，我總結咗以下幾種，唔合大家有冇同感。
慳埋無謂嘢
我明白你窮當然要顧慮金錢，但有時關乎健康嘅事都求求其其，三餐唔定時我當係工作環境所逼，但點都會有午膳時間。
但好多打工仔為慳錢咬個包就算，以健康做代價，仲要未必慳到好多，病咗仲得不償失。
而且佢哋只會不停諗「節流」，我心諗節乜鬼，你本身搵咁少仲可以點節？不如諗下點搵多少少向「開源」方面發展啦。
窮到視野狹窄
係比較政治同深度少少嘅話題上永遠都傾唔埋，講政治又話「關我鬼事」，討論少少熱話，角度又嚇死你！
以消委會最新話某國產店出售嘅20蚊洗面奶CP值高於名牌為例，我都有同我身邊嘅人討論下。
結果佢地只係覺得「哇！咁買名牌做咩？！」於是我嘗試同佢哋分享我睇法，我覺得比嚟無意思，咁名牌個名都值少少錢，再加上人哋都要開發配方，可能材料係平，但背後都花唔少錢。
而國產店賣得平，係因為一句唔該就拎個人哋個配方加加減減，實平少少。
但結果只換嚟一句：「我唔知啦，總之依家就係佢又平又好用！」
但可笑嘅係佢哋又會網購仿真名牌衫，唔係話又平又好用就得啦咩？
做事無邏輯
收入低嘅人好多時都衰在唔肯再去了解任何事，學習任何新事物，但又想嘗試新嘢！
就好似我明明唔識踢波，但我好想踢，我唔理，我要買曬好貴嘅波鞋波衫先至諗！
所以你見唔少打工仔，佢地嘅投資理念唔係嚟自電視上嘅分析師、就係陳師奶。
輸打贏要又唔肯學
問佢點解要買呢隻，永遠就話人哋都買咗唔通呃我咩？！
問佢點解睇升，潛力？財報？現價合唔合理？通通都唔知！
不過都算，最慘係佢哋輸錢會怪人，明明人哋只係分享自己睇法覺得會升，你就自己盲跟，可以怪邊個？
輸打贏要又唔肯學！
唔講投資，講返工作，有時上司頒布無謂政策，佢哋都只會死跟，無人諗過合唔合理，係咪真係有成效！
唉，我真係好想向上流，脫離呢個圈子嘅人啊，思想窮比銀包空可怕100倍！
延伸閱讀：
同事放完大假第一日返工竟然… 老細：你不如喺屋企長抖啦
以下係真人真事：
隔離位同事放咗一個星期大假，去咗日本旅行，我地成班同事做到隻積咁，已經怨氣衝天。佢今日終於返工，點知一返黎就激嬲老細，叫佢返屋企長抖，以後都唔洗返！同事今朝返黎，大派手信，個個都有份，唔知係預唔夠數定有人拎多咗，唯獨係老細無份，老細知道後已經黑晒面，之後同事仲做咗一樣野，激到老細忍唔住炒咗佢！
撰文：Purple弟弟︳ 圖片：電視截圖、unsplash
同事派完手信，就返埋位做野啦，可能係尋晚搭夜機返香港既緣故，今日好明顯唔夠瞓，佢做做下野，竟然瞓著咗，打晒鼻鼾不特別，仲流晒口水，啲口水流咗落要俾老細簽果份contract度！
老細行過，敲咗佢張枱兩下，佢都唔知醒，最後要拍醒佢，之後入咗老細房，老細嬲到一個點，最後講咗句：你不如返屋企長抖啦！
同事出咗老細房之後就執野，臨走前喊晒口同我講：下次請假記得請多日，唔好去完旅行第二日即刻返工！
其實好多人都會好似呢位同事咁，回到公司依然還是放假mode，極不情願工作，但打工仔的無奈就是假期短工時長，難得放假的確很難收心！
當你發現回來上班前或後有以下這個五個症狀，那麼你很有可能患上了「長假症候群」，症狀平均會持續2到3天，嚴重的就要看心理醫生了，一起看看有什麼解決方法。
「長假症候群」五大症狀 七成上班族中招
正所謂「返工一條蟲，放工一條龍」，這個症狀在放假後尤其嚴重，台灣104人力銀行調查指出新年假後出現「長假症候群」的打工仔佔了7成2，愈接近開工日子愈多人出現症狀，在第一天上班日子特別嚴重，而且假期越長患病越嚴重！
1. 容易疲倦、想睡
工作中的時候感覺比以往更累，狂鈞魚之餘好像放完個假比平時不放假還疲倦。
2. 做事效率降低
平時上班一天可以打十個，但放假回來了不知為何做事效率慢了很多，而且總是拖延來做。
3. 注意力難以集中
工作中的時候總是會突然放空，又或者想找點其他事情來做，總之就集中不了注意力在工作上。
4. 生活作息大亂
放假的時候天天做夜貓，通常隔天要上班都會難以適應，晚上會因為焦慮而有失眠、吃不下飯的狀況，這是因為在放假時瞬間生活作息大亂的關係。
5. 情緒低落或憂鬱
放假後上班無故地感到心情低落，工作時也提不起勁，嚴重的還會有焦慮、憂鬱及上班恐慌等症狀。
【返工】解決方法
1. 上班前一天盡量不要熬夜，因為熬夜會讓身體內分泌改變，影響到荷爾蒙
2.另外不要再大魚大肉，讓腸胃都有休息時間，否則腸胃不適也會影響上班心情
3.在上班前一天最好做點運動，用30分鐘到一個小時的時間去慢跑或打下波，都能避免夜晚因焦慮而失眠。
