病假期間出街被上司偷拍驚被炒 「未過試用期使咩搵藉口炒你」｜網民熱話

撰文：麗爾｜圖片：電視截圖

樓主表示上週一開始就發高燒病得嚴重，去睇急症，醫生俾咗2日病假(18-19)。

到21號我返工，樓主仲係好唔舒服，於是向經理申請早退，亦有去睇私家醫生攞醫生紙。第二日（22號），樓主喉嚨發炎又再度睇急症，醫生亦開咗2日假比樓主休息。(22-23)。樓主叫咗自己男朋友打返公司請病假，即時影醫生紙比公司。

23號當晚，樓主見好返少少，於是出街食飯。食完飯諗住返屋企撘車，行緊嘅途中樓主係咁俾人（下稱A先生）影相，由商場一樓影到落地下，撘車有分左右出口。

樓主行右出口撘小巴，A先生當時都係行右邊出口方向，一另轉面，A先生即時向左邊出口同女友回合，當時樓主與其男朋友都好反感，因為A先生仲影緊相。樓主當下想報警，並走上前問過位A先生影咩。

A生話:吓，我冇影你喎！我影緊我女朋友炸嘛！(但當時佢女朋友係左邊出口門口位企定定等緊A先生)

樓主話:下，你由一樓撘電梯一路跟住我地落去下，不停咁揸住部手機影我相！

A生:我冇影你喎，你係咪B小姐呀！

樓主:我係B小姐咁又點

A生:我係A先生呀！你認唔認得我？我啱啱打比C小姐，見到你咪影比佢睇下係咪你囉！關心下你做咩射左咁多日波！唔信比電話紀錄你睇..

樓主:有冇咁既必要影相？你影黎做咩？覺得我厄公司，我突登唔返工？我把聲咁樣，我點返工？

A生:唔係話你厄公司，只不過覺得你射左咁多日波，搵同事關心下你炸嘛！

(當時我把聲以經冇氣冇力，亦都好嬲！)

樓主:有咩返公司再講..

隔左3分鐘，經理就Whatsapp樓主！
樓主亦都講咗成件事比佢聽，而第二日就要接見呢位A先生同經理！

A先生比經理大，A先生係主管。而樓主認為自己平時工作表現良好，只係近排病假請多咗。未過試用期，想知A先生因爲呢件事炒佢，可以點算？
未經同意影相，有冇犯法？
事後報警，有冇得追救？
樓主繼唔繼續留係間公司好？(樓主怕冇好日子過)

網民表示，無人話病假唔俾出街，但俾a生嘅印象一定唔好，可返多幾日工睇下點，不過亦擔心樓主做唔長。

亦有人提到「佢影你其實冇所謂，除非你俾人影到你鬼咁精神去玩姐，另外，你有足咁多日醫生紙佢唔可以話你呃病假，但你主動同佢嘈係你蝕底，而家講咩都冇用，你做番你份內工作等佢冇籍口抄你算啦。」

樓主到時要見A生與經理時，大可氣長理壯。因為病咗出街冇問題，屋企冇飯食出街都好正常。
反而最大問題是被拍照時做緊咩。
A先生比經理大，預計會俾經理話兩句。有醫生紙就不用太擔心， 最多對你印象冇咁好。

 「喺街影樣係無犯法」

有人提到，如果影某人是為了識別該人，影人者就必須要遵循個人私隱條例，同樓主所講嘅街上面影，係兩回事。影人者必須要影得合法和公平，言下之意要得到本人同意，但樣貌唔屬私隱。

勸樓主下次唔好咁激動，有事慢慢講，一激動就算係啱都變咗無道理。

所有嘢順其自然 ，你認為係大件事，人地就搞大件事。
很多時你認為係小事  人地都可以大事化小。

例如有時俾人撞親踩親 行過就算  撞人個個都當無件事
如果出聲 人地sorry 一句就繼續行咗去。
如果大喊大叫郁手郁腳就難講啦，生活亦好多呢啲例子。

未過試用期 點炒都得

至於驚俾人炒一問，網民則表示，樓主(未過試用期)，點炒都得，根本唔洗用啲相做理由。

樓主可以諗下，A先生同你頂頭關係點樣呢？
因為樓主未過試用期，處於弱勢就更，要睇返你自己平時同同事相處和工作表現。

有任職管理公司的有經驗者，自己唔主張咁做。並且覺得基本上公司係無權咁做（偷影搵證據），除非大家有大金額賠償問題，但係都會搵私家偵探。

 如果係懷疑一個員工，咁不如直接炒咗佢，做乜浪費時間去做呢啲事。相反，作為員工，如果公司對自己咁唔信任，自己都唔會想留係發展落去。