神級裝修！1家6口260呎間出5床位　書枱、梳化、電視櫃齊　網民大讚神奇

超強裝修！260呎間出2房5床位　1家6口住仲要有齊所有傢俬

黃師傅近日上傳影片，從片中可見一個260呎單位原本只有簡單的裝修，收納空間少，屋內環境較為雜亂。黃師傅指屋主1家6口，有2個大人和4個小朋友，因而要求在有限空間內間出5個床位，難度相當高，自己起初都不願接下工程，惟對方度了他2個月，終於都肯出手大改造。

用盡每個空間終間出2房5床位　靠1招令屋內空間感大增

黃師傅指今次足足做了半年才完成整個工作，事關在如此細小的面積下要滿足屋主要求，有相當大的難度，於是黃師傅決定全屋用傢俬砌出空間，而不用牆來作間隔。

1.客廳善用C字櫃作收納

黃師傅指，刻意在客廳裝了兩個C字櫃，一個用來收藏餐枱，令客廳得以「食到飯」又不佔空間，更可騰出位置放梳化；而門口另一邊亦有另一個C字櫃，除了用盡地方擺放物品外，同時造出空間感。

2.用電視櫃間廁所、廳放一床位

他又指，自己刻意花心思用電視櫃來間隔出廁所，令屋主一家可有個迷你電視櫃，造完櫃仍有位行。雖然有不少人指「屋企工人房都大過呢間屋」，但黃師傅指「要放得落5張床，有大餐枱、有櫃、有電視櫃、有梳化，真係用到盡」。除此之外，客廳更刻意造了一張碌架床，讓屋主大女睡覺，又有私人空間，同時客廳又不會過於壓逼。

3.廚房用暗門，麻雀雖小五臟俱存

而廚房方面，因只有約24呎空間，因而選用暗門慳位，同時亦設計好位置足以擺放雪櫃、微波爐，空間剛好夠一個人過，麻雀雖小五臟俱存。

4.廁所用鏡櫃收納，乾濕分離

師傅指，因屋主大女要用廁所化妝，因而用上鏡櫃，放便擺放物品；而新的企缸「好過以前好多」，廁所還有空位可以擺到洗衣機，而牆身亦用來調櫃，雖然是超級細小的廁所，但仍相當「骨子」。

間出兩間大房瞓4人　小朋友一人一張書枱

而到了全屋另一重頭戲，必是在260呎屋內間出的兩間房，1間房給2個小朋友住，另一間則爸媽加最小的孩子。他指，刻意在小朋友房打造兩個床位，兩個人都有自己的私人空間，房內更一人一張書枱，還有衣櫃，相當齊全。

而爸媽房同樣造了一張上隔床給小朋友，而下層更可放得到一張大床，為了增加房內空間，他更「拆咗幅牆，床頭架整咗個櫃」。黃師傅指今次已為屋主諗到盡，間屋保持現代感之餘，亦事事滿足要求，「要咩有咩」。

網民：真係無得頂！

網民看完影片後，紛紛大讚神奇，指「咁細間屋做到咁多嘢，真係無得頂」、「五臟俱全！住到6個人！感覺間屋仲好舒服好靚！」、「裝修得很靚，30多萬超值啦，黄師父好嘢」、「二百幾尺有咁既設計實屬難得，好多公司都唔願做」、「只二百多呎供一家六口用，有收納、 有獨立空間、有合理位出入 、採光照明充足， 巧奪天工」。