土炮茶餐廳60蚊豉油頹飯「單挑」兩餸飯 網民嘲撳住搶：點睇都係5蚊成本！

兩餸飯勁敵現身

雖然兩餸飯分佈各區大街小巷，但個別質素亦有略有參差，食客評語並非盲目讚好；不過，做慣本地客的「土炮」茶餐龐面對強敵，仍然不思進取，對食物、價錢及服務未有與時並進而被網民唾棄。

早前銀龍茶餐廳以一客索價52元的「特式五寶飯」聞名中港台後， 該碟五寶飯（即紅腸、腸仔、午餐肉、火腿及煎蛋）擺碟時，中間只有一碗白飯，廚師將煎蛋「置頂」白飯之上表面，其餘4種食材（紅腸、腸仔、午餐肉及火腿）分佈於4個角落，賣相猶如五星陪月，但望落卻似「乾噌噌」。

當時，食客形容五寶飯每種食材少得可憐，不單止只有一塊「切薄」午餐肉、兩塊火腿及一件紅腸，連拌飯的豉油亦只有數滴，予人「乾噌噌」感覺。事主直言：「由設計至製作，簡直是頹飯天花板！」

其後，五寶飯事件更被台灣傳媒廣泛報道，更有當地網民表示：「不僅很寒酸，營養程度也令人擔憂」，令香港美食天堂的印象徹底幻滅。（）

60蚊頹飯四寶

最新再有網民發現有港式茶餐廳以「豉油汁頹飯四寶」作招徠，這道午餐索價60大元，附送周打魚忌廉湯。

然而，網民認為這客「豉油汁頹飯四寶」實際只有火腿、腸仔、午餐肉及太陽蛋，已經進取高價60元，不禁認為茶餐廳有「搶錢」之嫌，而且價錢更比同日午餐，例如焗肉醬牛扒飯／意粉相差4元。

亦有眼利網民發現，多給7元便可轉款燒鵝四寶飯，性價比較火腿、腸仔、午餐肉及太陽蛋的組合更划算。

網民對於香港物價有增無減，「閒閒地」食一個午餐連餐飲隨時70元，慨嘆後疫情年代通脹是否如何嚇人，大部份人覺得以這個高檔價錢，寧願轉食兩餸飯更好。

• 「顯得另外三款抵食咋傻豬。」
• 「好快覺得70幾係茶記正常餐價。」
• 「要食頹飯寧願帶飯，賣垃圾賺到笑！」
• 「等你覺得燒鵝飯好抵食。」
• 「5蚊成本賣$60，又係地產霸權！」
• 「出年唔執笠搵我！」
• 「有忌廉湯梗係貴啲啦！」
• 「香港地租貴過乜，有得食襯早食，否則第時無得食！」

延伸閱讀：港大博士生小紅書曬80呎劏房 「極度凶間」嚇親內地同胞：我不想去香港了

延伸閱讀：日出康城「濕淫之地」搞緊你！術數師風水把關：將軍澳買樓有兜收（有片）