英國人初嚐港式打邊爐 豬大腸意外超愛 一種蔬菜竟然食到嘔
英國人初嚐5款港式打邊爐食材 豬大腸意外超愛 一種蔬菜竟然食到嘔
曾到英國working holiday的香港YouTuber「A Yuk」早前與香港人三三及英國友人Grace一起拍攝影片，並藉拍攝影片的機會讓熱愛香港文化的Grace試食港式家庭邊爐。他們3人先到了當地中式超市「龍鳳東方食品」shopping，購買打邊爐所需的食材。最後她們購買了肥牛、雜丸、響鈴、炸枝竹、豬大腸、蓮藕、白蘿蔔、午餐肉等食材，而當中有不少更是Grace從未食過的食材。
操一口流利廣東話的Grace指自己平日透過香港電影、電視劇及其他香港YouTube影片了解香港，坦言自己從未試過打邊爐，這是她的第一次打邊爐。她亦指倫敦有不少中式火鍋店，但港式邊爐卻是極少，所以對於終於可以一嚐港式邊爐的她，她直言超級興奮！
1. 魚蛋：口感有啲奇怪但好好食
首先Grace先試最簡單的魚蛋，不過第一次打邊爐的她卻沒有注意到剛從湯底夾出來的魚蛋熱辣辣，將整粒魚蛋放入口中，令她大呼「好熱」，更出現了打邊爐專屬表情！Grace指自己是第一次食魚蛋，彈牙的口感稍微奇怪，不過非常好味之餘入面亦有魚味。
2. 肥牛：驚呼「原來打邊爐可以咁好味」！
下一個挑戰的食材正是香港人打邊爐一定唔少得的肥牛！在淥肥牛時A YUK亦教Grace最經典的淥肥牛姿勢，企起身再左手叉腰，右手拿筷子烚下烚下，畫面十分逗趣！而打邊爐不可或缺的肥牛的好味程度亦令她一臉陶醉地大呼「原來打邊爐可以咁好味」！
3. 豬大腸：意外地喜歡！
而A YUK亦為Grace準備了是日大佬級食材 — 豬大腸，在食之前更先讓Grace有心理準備，指香港人也不是每一個人都能接受豬大腸的味道，「如果你真係好唔鐘意就即刻嘔返出嚟啦」！A YUK的話語雖然令Grace十分緊張，但她也非常勇敢地直接放到口內。品嚐豬大腸後，Grace表示自己可以接受，甚至覺得「真係OK」，令一旁不敢食豬大腸的香港人三三極為驚訝，表示「自愧不如」！
4. 響鈴：榮登是日冠軍！
作為「響鈴宣傳大使」的A YUK推薦Grace嘗試她最愛的響鈴，更親自教她煮「5秒響鈴」。Grace將響鈴放入口中後也是頻頻點頭，感嘆：「無諗過響鈴係咁好食」，更指出響鈴是今次港式打邊爐體驗裡最好食的食物！看著Grace品嚐響鈴，也令A YUK與三三忍不住即時食返個響鈴止止癮！
5. 白蘿蔔：要飲水沖走苦味！是日包尾之選……
而Grace最不喜歡、最受不了的打邊爐食材反而是屬蔬菜類的白蘿蔔！她面露難色地大爆金句「我以為係苦，原來係真係好苦！」，更差點要將白蘿蔔嘔返出嚟，要即時飲返啖水沖走白蘿蔔的苦味！
因為在她們所到的中超並沒有香港人打邊爐常食的牛柏葉、豬紅等對外國人而言十分有挑戰性的食材，令A YUK大呼可惜！同時她也指出外國人其實較難接受港人的打邊爐文化，「因為接受唔到全部人在同一煲 夾嘢食」，不過十分慶幸Grace勇於嘗試不同文化，讓作為香港人的她可以推廣港式打邊爐。而在體驗完港式打邊爐後，Grace亦表示整餐都非常好味，而且十分喜歡打邊爐的文化，最大的感受就是「好熱」！
網民推薦必食雞子
看完影片後有網民指：「打邊爐我一定食桶蠔、魚腐、白蘿蔔、響鈴」、「屋企打邊爐必食芝士腸/蟶子/安格斯厚切肥牛/m5牛展切片/鮮蝦/讚岐烏冬，下次不如一齊食雞煲/牛柏葉」、「homemade打邊爐必食：聖子仔，蝦，鮑魚仔，花螺，蠔，鮮淮山，萵筍，最後要飲埋個海鮮湯底」、「建議下次試下雞子，山根，包心丸，粉腸」；亦有網民指醬汁亦是靈魂之一：「要整碟豉油辣椒點先好食嘅」、「應該介紹溝醬汁」等。
