自助餐專攻粥粉麵飯是原罪？網民批「回本食法」只係窮人思維！
廣告
自助餐菜式琳琅滿目，究竟應該單純選擇自己喜歡的食物，抑或將「機會成本」納入考量，夾多少少？為此，有網民在討論區發起公投，詢問各位網友「去食自助餐應唔應該食粉麵飯？」引起網民熱烈討論。
去茶餐廳食唔好咩？
有網民坦言，每次都食自助餐都會對澱粉質敬而遠之，絕不食粥粉麵飯，並反問：用個Quota嚟食隻龍蝦唔好？
- 「飯麵嘅成本好低，我去茶餐廳食唔好咩？」
- 「嘥咗個quota 呀麻，用嚟食隻龍蝦唔好？」
- 「食澱粉質同飽肚油膩都唔係明智之舉。」
自助餐食粉麵飯？Why Not？開心就得！
亦有網民反駁，自助餐應該選擇自己喜歡的食物，不應局限於回本的思維，並指：食自助餐一心諗住食返夠起本窮人思維。
- 「根本冇可能回到本。」
- 「人大咗慢慢都唔計回本。」
- 「想回本就咪鬼食自助餐啦！」
- 「自助餐就係想食甚麼就食甚麼，一心諗住食返夠本根本係窮人思維。」
- 「反正一個人幾嚿水出街都食唔到咩，屋企你又冇可能同時整咁多樣野食，唔一定要食到回本既。」
其實自助餐廳粉麵飯好求其
亦有網友解釋，拒絕在自助餐食殿粉質並非因為追求回本，而是因為自助餐的「粉麵飯」的確味道欠佳，並表示，若果遇到有趣吸引的粉麵飯，亦會樂意一試。
- 「好多時自助餐廳整粉麵飯好求其。」
- 「係因為佢唔好食而唔食，唔係因為佢係粉麵飯。」
- 「好食嘅why not，你以為粉麵飯整得好食容易呀……但通常都唔好食。」
圖片來源：Unsplash@ulysse pointcheva、Unsplash@jem sahagun、Unsplash@yukiko kanada
