自住樓已賣 有8萬人工都唔做 網民熱話：想老公養 但開始有不安感
撰文：Smart ED編輯部 ｜ 圖片：香港討論區、unsplash
四五十歲還可怎樣安排未來?
有網民於討論區開帖【四五十歲還可怎樣安排未來?】
討論背景如下：
「早兩年放左層自住居屋，無再買返。唔駛養細路，兩公婆可以點樣安排未來? 繼續打工至死?
積蓄2百萬至3百萬左右，一個月入4萬，另一個原本月入8萬但已經唔撈做c9。」
此帖一出，隨即引來網民熱烈討論。
唔返工會好悶！
樓主因工作壓力太大，唔想升職所以寧願辭去8萬月薪的工作做家庭主婦。但又因積蓄不多，開始擔心退休生活。
大部分網民均認為樓主唔應該辭職，一來只有2百萬至3百萬太少，唔夠退休生活，二來自住樓已賣，此舉太「任性」！
而大家最熱討論的，其實係認為樓主無小朋友唔應該急於辭職唔做嘢，因為「唔返工會好悶！」會與時代脫節！
300萬積蓄一年要7-10%回報先頂到租金
樓主指自己辭左職做c9，係想好好整理下自己和屋企，亦享受下生活，做下運動買下餸。
因為樓主發現自己最想要的不是事業有幾勁，而係老公養。
但總有種唔知再點樣走下去嘅不安全感。
有網友就幫她分析其積蓄其實唔夠Cover租金的升幅。
有人反對
網友B：「女人最蠢莫過於谂住唔做野靠個收入低過自己嘅男人養，你地又冇细路，又冇樓。
講得唔好聽，萬一個男人變心揾個後生過你十年八年嘅，你就乜都冇，你應該繼續返工，储多D錢，咁先有安全感。
我係女人，有细路，有已供完既樓，我自己個人儲蓄仲多過你我都唔敢唔做嘢，你真夠畺」
有人支持
網友C：「我其實幾讚同樓主妳暫時停下來，諗好妳兩公婆條路點行，其實只要無負責又有二三百萬cash，
又唔洗養細路，多有多洗少有少洗，怕什麼，近五十真係要放鬆d去睇下呢個世界，
將來再老d真係有錢都無精力去享受。停一停，學點投資或再打份hea工，因為返工真係可以保持競爭力。又或養返隻狗玩下。」
建議買煤氣股
大部分網友均認為樓主應繼續工作，不能單靠丈夫一人的收入就考慮退休，因為他們自住樓已賣。
而其200-300萬現金並係其他被動收入，不足以兩人退休後生活。有網友就建議買煤氣股安排退休後的現金流。
網友D：「可以用150萬投資0003煤氣10萬股，每年0.35利息+10送1，要等錢用，每年10送1后，賣掉送的1萬股，每年就有17-18萬，再用100萬投資個的士牌，月供20000,月收24000，其他雜費一年3萬，按排好以后退休現金流。
