垃圾徵費｜肥媽怒轟政策「垃圾」 與環保背道而行 政府將責任轉嫁給市民
廣告
垃圾徵費原定4月1日實施，各界對於政策疑問甚多，最終政府宣布將實施日期延至8月1日。不過民怨似乎未能平息，藝人「肥媽」Maria Cordero昨日在社交平台上載短片，大動肝火，發表對垃圾徵費的意見，她劈頭便說政府垃圾徵費措施是「垃圾」：「黐線嘅！你唔畀人哋用黑膠袋，要人哋買你嗰啲膠袋，咁你同環保直情係背道而行啦！即係要買多啲膠袋」。
肥媽：政府應先做好垃圾分類
肥媽認為，要真正做到環保及減少廢物，政府應先帶頭做好垃圾分類工作，而非將責任轉嫁到市民身上，「你政府要分類嚟收嘢㗎嘛。 你又唔分，叫我掉晒落一個膠袋，但係就要我俾錢去買個膠袋⋯⋯ 人哋一間屋都得嗰200幾尺，點樣同你分4個垃圾桶？」
她建議政府安排至少4種垃圾車去收集不同種類的垃圾，如普通垃圾、廚餘、廢紙及膠樽等：「你無理由派一架垃圾車，要我丟晒啲綠色膠袋落去，個綠色膠袋識變魔術咩！綠色膠袋同黑色有咩分別？只不過要用錢買，個綠色膠袋邊個做？你唔係為咗賺錢㗎嘛。」
她續指，政府根本沒有解決問題，而是將問題掉給市民解決，「整到天下大亂」，更指「你試下4月1日實施吖，癲咗啦大家都！」
圖片來源：肥媽 Maria cordero Facebook
