股民共嗚事
廣告
1. 買股票除短炒之外，好多人都會選擇D穩穩陣陣的股，收吓息。話說當年大家都覺得8號電訊盈科(00008)仔好穩陣，有李氏家族實冇死啦，仲唔食息食成世？！點知……李生嗰時係借錢鯨吞當時的香港電訊，之後嗰頭就負資產。小股民已經好擔心，諗住擺10年，20年實會返家鄉啦，點知連呢個機會都唔比你！因為李生話要私有化，信佢的股民真係血本無歸喇！
2. 好多股民都未必有咁多時間心力去分析股票，冇時間但又想炒股，一係就上「經一快線」問下小編，一係就睇吓股評人點講。但某幾個股評人真係幾燈架！小編成日都話買燈神對家實發達！
3. 有時見到D股升得好急，明顯有大戶炒緊，我地呢D小股民梗係想搭順風車分一杯羹。點知好多時入手個位就係最高位，之後個價就開始無止境咁跌。唉……咁就接咗火棒！
4. 通常接完火棒個心就好唔安樂，放又唔係唔放又唔係。唯有跌幾個價位就溝貨，點知繼續跌咁又繼續溝。溝下溝下…就成地都係蟹貨。
5. 呢個經驗應該係後生一輩先會有，就係細細個D利是錢永遠唔會落到自己袋。到大少少識嘢時，問阿爸阿媽D利是錢去咗邊，佢地梗係話幫你儲起咗或者買咗乜乜乜股票。Okay fine，買股票或者儲起都冇所謂，咁任何投資都有回報嘛！但呢D回報從來都冇出現過！
6. 有D股（例如創業板、殼股、細價股）個個都話好危險，唔好掂。但次次爆得最勁既就係佢地，咁有人棄就梗有人取，但真係要小心，呢啲股可以彈到好高，但亦可以跌到得渣都冇。
