司機 廚師 有$20,000人工 網民：一技之長 人工唔係白收
撰文：Smart ED編輯部｜圖片：unsplash、討論區截圖、電視截圖
網民：職業無分貴賤
大部份的網民反對樓主所言，認為「職業無分貴賤，無話公吾公平」。
有人指司機、廚師等職業辛苦，而且要具「一技之長」，所以人工高些亦很合理。
「職業無分貴賤，無話公吾公平。」
「人地有一技之長，又要捱得，你做到咩? 」
「其實司機工作係好辛苦同有極大危險性的」
「老闆司機系要讖好多野嘅，二萬只是新仔一名」
「自己揸車揸個零鐘，條腰都緊曬，做廚師又熱又濕，長期著住對水鞋，隻腳分分鐘香港腳，人地唔係白收人工架」
「老實講不論佢做廚師或司機，佢攞到二萬或以上都表示佢有咁嘅本事」
薪金 VS 學歷
另一方面，有人認為薪金不是與學歷成正比，學歷只是某些工作的入場券，不能以此量度所有人。
有人以李嘉誠作例子，直言「英雄莫問出處」。
「人工不嬲都唔係同學歷成正比」
「單是這想法，已證明香港教育失敗了」
「誠哥小學畢業，香港首富，凡事應著重能力，英雄莫問出處」
供求問題？
有人表示，這是供求問題，行業需要人手，薪金自然需要增加以吸引人。
「基本上就係供求問題」
「司機和廚師不能用電腦代替，值得高人工，反而一般文職，人人識做，每年大把 fresh grad，所以人工低」
延伸閱讀：FG人工低無得怪人 網民：至少要有$16K
【人工】大學畢業的你，依家搵緊幾多錢？滿意自己人工，定只係委曲求全⋯⋯等緊良好時機就走人？有網民表示物價貴，但長期唔見人工有增長，認為大學畢業生至少要有$16K，你又認為夠唔夠？
撰文：麗爾｜圖片：電視截圖
事主表示見到有個post講FG被壓價，有感而發所以提出討論。
表示依家平均要食個飯都要$50-60，而FG人工得$12-16K，點計都唔夠用，更加唔好講買樓。
有位自稱係廉價FG有表示事主嘅建議係完全行唔通，所謂一齊反對係冇可能會發生，個個都要揾食唔會有時間同你一齊去反對。
質問事主係咪啲公司開10k，就全行FG一齊唔send cv唔返工。
表示冇人願意自願做廉價奴工，只係有兩個可能性：
1.有無良顧主帶頭壓fg價cut cost做壞行規
2.供過於求唯有降低身價先有工開
後者因素：太多FG爭食搞到啲人要自降身價，難道又係FG嘅錯嗎？
1.大公司唔應該俾得$13K
網民認為，細公司出12k/ 13k，係因為收入扣支出每個月先賺少少，可以體諒。但中/ 大公司仲比呢啲價就真係不能接受。公司咁多盈利好似唔關啲員工事咁， 仲要話啲fg開價16k太高？
社科網民出嚟做嘢一年，舊公司係中型size。入咗先發現，公司唯一賺錢就係佢哋team。收最低人工，FG 12K 大概半年至一年先升到15K左右。
「master grad 聽到佢開13K我即走」
「 某上市公司 開我10K」
2.讀專科人士要有$18K up
網民：「IT fg都20k啦而家。」
「有朋友係三大仔，XX銀行先俾得個12K佢。」
3.FG唔係最大問題
有網民反指責任唔可以瀨哂落FG度，有唔少老闆之所以當fg係廉價奴工，係因為就算請唔到FG，都可以將多餘嘅工作量直接推落班senior度。
然後只要每人加返幾舊水OT錢，員工照樣要頂硬上。因為佢地唔似FG咁，啱啱畢業咩包袱都冇，可以幾個月唔返工。一諗起水電房租奶粉錢，就被逼要硬食。
最後老闆計過條數，發現支出唔係多咗好多，自然就唔需要出咁多錢去請個FG。
香港人有個概念： 「好驚無咗份工」。就如之前颱風山竹咁﹐香港人永遠追求如常。
有可能係樓價﹐物價太高﹐起步咗就承受唔到停底嘅風險。
不過有網民總結： 如果公司覺得你適合，自然提高人工。唔適合者開10k 都晒氣。
FG最緊要show 到自己勤力誠懇聽教聽話，請得junior post都預咗你無乜經驗。
