港男聖誕交換禮物抽中「養鬼仔」嚇到毛管戙 網友建議去黃大仙求助
廣告
聖誕派對交換禮物本應開開心心，不過近日有港男在討論區分享自己在於朋友參加聖誕派對時，交換禮物抽到一份「特別禮物」之後，卻遇上一段靈異經歷。
樓主：真係嚇到周身唔聚財
這名港男回憶當晚派對，當日表示當時帶走禮物時，已經感到有點不妥。直至友人在街上開始拆禮物，才發現自己抽到的，竟是「養鬼仔」的牌。
「初初以為係咩擺設，點知其中一個friend即刻勁驚咁叫我抌咗佢，仲要行到勁遠。我俾佢個反應嚇親，即刻跑去垃圾桶抌臨鬆手前一望，有個黑到炭咁嘅BB仔屍體。」
樓主亦表示，最後大家好似周身唔聚財，又嚇到醒晒酒，只好「散Band」各自歸家。
網民：睇完毛管棟
對於樓主的遭遇，不少網友都感到震驚，亦認為以「養鬼仔」作為交換禮物並不適當。
- 「睇完毛管戙。」
- 「比我知係邊個送嘅當場絕交。」
網友建議：最好搵專業人士幫手
亦有網友為樓主想辦法，建議樓主不應隨便丟棄「鬼仔」，應該尋找專業人士協助，亦有網民分析真正養鬼仔的佛牌價格高昂，樓主有機會只是抽到「整蠱」人用的擺設。
- 「等等先，唔建議就咁抌左佢….會唔會唔太好。反而攞去嗰啲佛牌店處理仲好。」
- 「洗唔洗去黃大仙個度問下啲專業人士？感覺咁都揀得中都唔多掂。利申：我對佛牌依啲真係唔識。」
- 「唔建議就咁抌咗佢喎師兄。呢啲應該係攞去相關嘅地方問吓人地點處理好啲，一啲賣佛牌地方？」
- 「一種情況係，佛牌都有假嘅，可能係整蠱嚟嘅都未定，因為真係呢啲牌係可以好貴，未必會咁樣攞出嚟抽。」
圖片來源：Unsplash@arisa chattasa、政府新聞處、Dcard討論區截圖
