人工扣完MPF 少過9K 網民：有人做15年先得$7,888
撰文：亨利 | 圖片：電視截圖、討論區截圖
樓主：
「入職已經2年了，工資依舊。」
「在某公司當初級會計文員，工作負責的事務有增無減」
「工資得9000，還要扣MPF。連9000都沒。」
「覺得很灰，日子長了，變得不開心。」
網民嘅建議：
1.轉工
唔少網民都覺得一個月得9k唔夠洗，叫樓主快喲搵過份工，一定會搵到份人工更高嘅工！
「9000你都做根本就係做爛市，做爛市你仲夠膽係度怨？！」
「建立搵過第二份工試試，一定會多D人工。」
亦有網民話樓主每個月得9k，似兼職多喲喎⋯⋯
職場有人工嘅參考指標，人工會因為學歷，同埋工作經驗而異，樓主都做咗2年，都無人工加，唔怪得佢話「覺得很灰，日子長了，變得不開心」啦！
2.辭工
有網民建議樓主試下同呀頭講「想」辭職，睇下會唔會換黎一個加人工機會。
「一辭工公司加到我13000」
「魚唔過塘唔肥..唔好成日比人講咩市道差..」
3.唔好衝動
有網民貼心提醒樓主，轉工前要三思。
「香港開始裁員潮, 最好睇定D先, 唔好衝動. 」
網民嘅鼓勵
有網民分享自己同事嘅經歷，佢話「有個做左15年，先得7,888」，唔知咁算唔算安慰緊樓主呢！！！！
網民都睇唔過眼樓主得9K，亦有網民分享自己嘅人工。
「你9k係咪返緊parttime咋」
「我係 X Line 做左 5 年文員, 都係 10,000.00」
