【網民熱話】辭職仲難過見工 打工仔：返工唔好同公司講感情啦

撰文：亨利 | 圖片：電視截圖、unsplash 

責任感過強 難辭職

樓主表示，自己在規模較細的公司工作，合約寫明辭職只需1個月通知。不過，曾有同事遞交辭職信後，被叫到上司的房間面談約一小時，上司叫該同事要多為公司著想。

樓主也想辭職，因為「好似1打20咁」，需經常OT，收工後要繼續回覆上司短訊，不回覆更會被責罵。但樓主因責任感而遲遲未交辭職信，希望網民鬧醒自己！

網民回應「咁邊個為你著想？」、「你放低封信，一個月後走咪得囉，返工唔好同公司講感情啦」、「傻啦！呢個世界冇話冇左邊個唔得」、「打工唔講金，唔通講心咩！」。

有網民建議樓主可以提早找同事接手自己的工作，安排好後事，便不用自責離職可能引起不便。

網民表示很明白樓主的處境，「我好後悔咁盡責，吃了不討好，佢只係想利用到你最後一秒」；亦有網民叫樓主盡快離職，「返工係為左生活，為左錢，人工低，仲要辛苦，點解留？」、「人生咁短，為左工作咁辛苦真係唔值得」。

但樓主回應指捨不得離開現時的工作環境，「我都知嫁啦，但呢份工係畢業後第一份工，做左3年，都有dd感情」。

網民就建議樓主，要有offer在手才可以放心辭職，可以在工作同時找新工作，「做左3年你出到去一定好值錢啦」，找到新工就會很決斷地走，不用擔心。