【財政預算案2019】 網民熱話 綜援出雙糧 「腳踏公屋 月領老綜 人生大贏家」

撰文：浩德 ｜ 圖片：新傳媒資料室、討論區截圖｜資料來源：香港討論區、連登討論區

綜援出雙糧

財政預算案2019 的「派糖」措施減少，而最令網民不滿的，相信是「綜援出雙糧」。

網民直指「新香港人」不用工作就有錢分，對勤力工作的打工仔非常不公，當然也有人指不反對派糖給「老弱病殘」及「真係有須要嘅人」。

但並不應將資源分發給有手有腳但不工作的懶人。

「點解綜援又有double pay」、「打工仔都未必有花紅雙糧，返工咁辛苦為乜…拎綜援年年有雙糧」

財爺另一項紓困支援是向有需要的學生一次過發放2,500元津貼，支援學習需要。

有網民就指「如家庭已享綜援雙糧，家中有經濟困難學生2,500咪double benefit?」

如此「供給側」的措施令網民大感不滿，直言：「唔做嘢好過做嘢la」

「打工仔乜都冇，仲要交税，又要早起晚睡，又要受氣，到頭來變咗提款機，悲哀」

有網民認為「綜援雙倍，永遠都是不對。」因為綜援本身是幫助有需要的人，「今個月1萬足夠你用，點解下個月就唔夠？正常12個月未出12個月囉，我好反對。」

不少網民都同意此說法，更提出若政府如認為「綜援不足，理應每月個數加；有困難先派2500。」派錢要公平，不能按個人選擇而做！

「免稅應該最幫到需要幫既（嘅）人，而家係一群努力既（嘅）人造就另一班好食懶散既（嘅）人，所以社會矛盾好深，政府官員無能至極」

派錢措施鼓勵懶人

有網民分享指自己認識一家四口拎綜援，「爸媽4x歲兩個細既6歲同3歲 拎左（咗）綜緩幾年 佢地（哋）係正常健全人士 唔係傷殘」他指不明白政府為何要包庇此類家庭。

總括而言，大部分網民均認為綜援出兩糧，只會鼓勵懶人，或會吸引更多人去申請綜援。

事實上，有網民眼見綜援年年麵有雙糧後直言：「我都諗繄，係咪要辭職去申請」、「腳踏公屋 月領老綜」、「 人生大贏家」

網民：上年派嘅錢都仲未有

網民除了對今次財政預算案大感不滿外，就連陳茂波發表財政預算案時的表現也負評，因他發表時多次強調「大灣區發展會為香港帶來龐大的商機」。

網民對此說：「搵連登仔都識做」、「每隔幾段就提一次，拎去俾考評局一定扣到零分重作」

更有網民指，「上年派嘅錢都仲未有 拖足一年」認為這個財政司司長完全不合格。