【網民熱話】護士輪班「追更」好地獄「人工真係包咗要返shift」

撰文：Smart ED編輯部｜圖片：unsplash、討論區截圖、電視截圖

護士眼中的「PAN地獄更」

根據資料，護士更期分為3種：A即上午，P是下午，而N則為通宵。

當中的「PAN更」，即是下午更接上午更，然後接通宵更的情況，被護士喻為「地獄更」。

李國麟指，一直以來都是有「PAN更」，「如果唔想返PAN更，咁返咩呢？」

他又提到，如果護士人手足夠，理論上是不會出現「爛更」問題。

不少行業都要「追更」

其言論被不少醫護人士批評，亦有很多網民討論護士工時的問題。

不少網民認同護士工作「追更」辛苦，「輪班工作不易做」。

PAN睇落好地獄，但如同酒樓樓面比，人地長時間好多。

但又認為市面上不乏「追更」工種，例如警察及保安等。

好多紀律部隊都係咁嘅情況追更返工

追更最嚴重係保安，12小時仲加追更，點解只著重醫護行業，保安好慘無人問津。

有些工種同樣需要輪班工作，但其工資卻遠低於護士。

差人都隨時辛苦過佢地，人工到未有佢地咁高！

香港大把工作要輪更，要追更，工時長，但人工連班醫護1/2都冇

輪班是「人工包埋」

有人直言，護士在入行及入職前早知需要輪班及「追更」。

輪班是「人工包埋」的，「人工真係包咗要返shift」。

入職簽約時已經白紙黑字寫到明係要輪更工作， 認為自己做唔到咪唔好做！

不過有人提到，護士的輪班與紀律部隊的情況不同。

另外，有網民指，輪班不同於工時長，輪班是會影響人們的睡眠質素及精神狀況。

你以為工時長=輪班,你就錯！輪班最慘是使你睡不了！你今日要700am 上牀,後日要下午2pm, 過多兩日你要下午5pm…不同班次會使人完全失去精神！你試過輪,你才會明白！

有網民就建議，更改或調整護士的輪班制度。

讓護士跟隨紀律部隊的輪班方式，便能更加穩定。

惟有人回應指，護士的PAN輪班制或「追更」，原意是讓時間更具彈性。

改PAN有好處，追更係令收工時間更好洗，如果跟警察早中夜更，佢地又未必制。