【網上熱話】的士被指刻意入盲點　遭巴士「掃鏡」

旺角太子道西近塘尾道交界，近日發生一宗疑涉大型車輛「盲點」的交通意外。網上昨流傳一段車Cam片，顯示一輛九巴停下後，位於其左後方的的士駛前至巴士的左後轆位置。當巴士開車向右扭軚時，隨即撞到的士的右邊倒後鏡，惟涉事車長疑因不知情而未有停車。
上載影片到facebook群組「的士司機資訊網 Taxi」的網民認為，涉事的士故意製造交通意外「搵食」，形容對方刻意駛入巴士「盲點」、行為損人不利己。有網民指摘的士司機，回應指理應不會跟貼巴士，「人地個盲點位大，未必見到」，亦有人質疑為何不先讓巴士行走，「自己唔夠位硬要攝埋去，一睇就知的士佬想搵食，巴士後面大把位，點解唔係一早讓巴士行先，讓一讓會死嘅咩？」

不過亦有網民力撐的士司機，稱的士未有越過另一行車線，只是在原有行車線被撞，「巴士輸，Cut右線時沒有留意左尾超越其他行車線」、「鏡頭影到的士個碌冇過到條虛線，都唔算過線，所以巴士輸晒」。