【網上熱話】九巴要求車長問客「有無落」　專頁狠批：不如拆晒啲落車鐘

搭小巴「街口嗌有落」，或者由小巴司機問「前面有無落」，這些問答在綠色小巴或者「紅Van」都經常發生，不過部分新小巴都已增設「落車鐘」，免卻內向不擅交談人士的尷尬。最近網上流傳一張九巴、龍運巴士公司的內部通告，當中針對「飛站」，要求巴士車長特別留意巴士站候車乘客有否示意登車，而且必要時若留意到有乘客站於落客門附近，「可詢問是否需要落車」，以免遭受紀律處分。

內部通告一流出，社交專頁「HK Bus Channel 巴士台」即批評政策有問題，認為小朋友都知道搭巴士要「㩒鐘落車」，質疑以後巴士車長是否要每個站都問「有無落」，甚至是否要仿傚小巴司機，「再揮手示意確認(收到)」。專頁指，若推行此政策，不如取消所有落車鐘，甚或跟從日台站站停的「區間巴士」。
有網民認同專頁論點，同樣批評九巴「將個搭車文化玩殘」，亦有疑似車長留言指，不如加錄音予車長埋站前播放，「你係唔係落車？」並指自己當車長的其中一個原因，「係貪車長可以唔使講嘢」。亦有留言分析，或與不少乘客以為「ＸＸ總站」一定會埋站，故毋須按鐘示意，卻不了解此「總站」並非該巴士線的終點站。

資料來源：AM730