立法會主席4年賺2,200萬 真係高薪厚職？

撰文：Nic Chan

延伸閱讀：【議員連薪津一屆袋1,690萬元】
http://www.edigest.hk/Vip/detail?id=4439

淨月薪高達186,080元

小編綜合立法會文件，立法會主席的月薪高達186,080元，一年收入約223萬元。完成任期後，可獲期內薪金的15%作任滿酬金，即約134萬元～計一計4年任期人工及酬金，總共可收1,027萬元！

身為立法會主席自然有不少應酬，以為要用自己錢？錯啦！為了讓主席履行職務，每年可獲約20萬元酬酢。另外，醫療津貼每年都有32,400元，加上辦事處營運開支、開設辦事處及資訊科技開支，以及結束辦事處開支，任期完結薪津總額已經有2,200萬元。

同時，主席有專屬的車牌「LC1」，需要不可以轉讓，離任要交還，不過任期內威一下都值得啦！

主席有開工冇收工

雖然立法會主席人工高、福利好，不過都有一定責任架！過去經常見到一眾專貴立法會議員遲到、早退，甚至開會期間瞓覺、缺席會議都屬閒事，不過這些事主席通通唔做得～皆因要主持會議嘛，怎可能又遲到又瞓覺呢？有時遇上拉布、通宵開會，通通都要捱下去！

以為主持完會議可以收工？邊有咁易！立法會主席休會期間，仍然要負責決定議程、決定開會時間，亦隨時要接行政長官急CALL，召開緊急會議，絕對有開工冇收工！

成為立法會主席，除了要在香港通常連續居住20年，是香港永久性居民的中國公民，更要求沒有外國居留權，人工幾十萬、但有N件工作要做……係咪筍工見仁見智？

延伸閱讀：
【晉升立法會議員途徑 由議員助理做起】
http://www.edigest.hk/Vip/detail?id=4476
【立法會議員月薪近10萬 連薪津一屆袋幾多？】
http://www.edigest.hk/Vip/detail?id=4439