移英港人分享11大移英清單：膠紙/電飯煲/衣架　網民：呢度買唔落手

於Facebook「香港人移民英國資訊分享」群組中，有網民向大家查詢移英必備的11大香港好物，有些在香港不起眼的物件，在英國卻是寶！

移民英國必備物品｜01 膠紙

「膠紙，呢度買嘅平價膠紙完全痴唔到嘢」、「要用封箱膠紙但竟然完全痴唔到，要屋企人拎畀我」、「以前用開3m的，好難想像膠紙可以係咁」、「咁啱屋企人返香港叫佢幫手買膠紙，3M VBH非常推薦，呢度5倍價錢」、「大力膠布都係，又貴又差」等。

移民英國必備物品｜02 電飯煲＋日本米

網民指用慣了日本電飯煲， 但在英國很難買到：「呢度難搵日本牌子，食開日本電飯煲煲嘅飯，戒唔甩」、「我在英國住了12年多，覺得這是唯一要買的東西」。 同時網民又指英國買到的亞洲米未必啱食：「其實食開日本米的話，都一定頂唔順呢邊嘅亞洲米」、「試過買呢度嘅金象米，真係唔同，無咁好食」、「long grain rice好難食，又痴唔埋，煲完但夾唔起」等。

移民英國必備物品｜03 香港藥物

因為個別藥物在英國很難找到，所以要帶定過英國，網民就指：「藥物，呢度啲傷風咳藥無香港咁勁，呢度念慈菴樽裝都貴」、「呢到好似無乜有睡意嘅藥，感覺上廢啲」、「破痛油，跌打酒，正露丸，寶膚靈(湯火膏)」等。

移民英國必備物品｜04 掛鉤

因為租屋不能夠穿牆的關係，所以貼力夠的掛鉤很重要：「買定啲吸吸掛鉤，呢邊貼個啲唔夠力，租屋又唔可以打釘」、「針線、索帶、封箱膠紙有位都帶啲」、「貼上去三秒就跌⋯真係好灰」等。

移民英國必備物品｜05 紙巾

「Tempo紙巾，呢度搵唔到咁好質素嘅紙巾」、「紙巾多多都唔怕，呢邊貴」、「廁紙(大量)、廚房纸巾」

移民英國必備物品｜06 衣架

網民指英國買不到能屈能直的衣架：「衣架，其實不應該掉晒啲衣架，呢邊又貴又唔好用，一係太硬，不能屈，一係膠的太軟，好易斷!」、「膠衣架」、「我覺得鐵衣架反而要」、「能屈能直的，呢邊買不到」

移民英國必備物品｜07 不鏽鋼內膽氣壓熱水壺

網民認為去到英國用熱水壺可以慳電費：「不鏽鋼內膽氣壓熱水壺，冬天必備，煲完熱水就儲起佢慢慢飲，因為電熱水煲好嘥電，加上英國好難買到日本牌子」

移民英國必備物品｜08 麻雀+麻雀枱

網民建議識打牌就要帶麻雀及麻雀枱「識打牌就運麻雀」、「好彩有聽船運職員講帶麻雀同麻雀板」等。

移民英國必備物品｜09 泵裝既沖涼液

香港幾乎很容易買到有泵的沖涼液：「泵裝嘅沖涼液，洗頭水，呢邊嘅洗頭水無乜泵裝，就算有嘅泵每下都好細，要喪㩒」、「呢度好少有泵頭」等。

【友和限時優惠】即減29% Philips 飛利浦ADD5900BK 即熱式過濾飲水機 (出水直接飲用) 香港行貨 低至 HK$1200

移民英國必備物品｜10 煲湯嘅料

有網民指在英國買到的湯料及海味都好貴指：「煲湯嘅料，中式超市有得賣但真係冇咁靚」、「海味 」、

移民英國必備物品｜11 空氣清新機

有網民指英國冬天好濕，夏天花粉多，所以空氣清新機好重要：「我好後悔無帶空氣清新機過嚟」、「因為能源標籤香港嗰啲真係慳電啲」

【友和限時優惠】即減39% Carrier 開利DC-22DA-X 負離子抽濕機 22公升/日 香港行貨 (1級能源標籤) 低至 HK$1831