有網民將片段上傳於香港交通及突發事故報料區，片中可見事主一上車即以清晰廣東話表達要去九龍灣啟業邨，而司機聞言即回覆「九龍灣德福」，影片可見，乘客不停重複最少7次目的地是啟業邨，但依然換來司機一句「九龍灣德福」。乘客表現無助之餘亦有質疑司機故意為之，現場表示「喂啟業呀你唔好玩嘢！」、「我話啟業呀你聽唔聽到？」、「啟業邨呀…啟業邨我講得好清楚」，而司機則無動於衷。直至影片結尾，該乘客要表示「「喂你唔去就俾返我落車……」乘客事後於貼文表示怕怕「由頭到尾無講過「德福」，但個的士司機係都話「德福」。我叫佢俾我落車，但佢一直唔理我。唔知佢癲起上來會點，所以唔敢同佢繼續講嘢，只係whatsapp朋友叫他如果過一陣我無聯絡佢就幫我報警。」

片段引起網民熱議「人地德福交更呀」亦有網民認為片中乘客聲音斯文細聲，懷疑因此被司機欺負「片主把聲，完全零威脅」、「又細聲又口窒窒 洗唔洗淆成」、「洗唔洗驚到震晒 喊晒口咁你驚佢斬x你咩，又唔係囡」另外亦網民質疑影片是配音。「Uber 騙徒手法, 真係屎！」

【有片】