的士站老翁強行幫人開車門搲小費 知情網民：十幾年前已經喺度搵食

旺角東站外　老翁強行幫手開的士門收小費

拍攝者指出在旺角東的士等的士時，發現有一位伯伯幫人開門再問人拎小費，有一個家庭上車後沒有給小費，「佢就唔肯縮手直到人比錢佢」，由於事主不想喜歡這種收小費的方法便打算拒絕，「唔知係咪我熱到太黑面又戴住耳機，到我嗰時佢竟然無問我收錢」，便把事情分享到網上。

知情網民留言：已經做咗十幾年

事件引起了網民的討論，不少人對老翁的行為表示不滿，有知情網民更指出，該老人已經這樣做了十幾年，怎樣趕也不走。

• 「呢個呀叔十幾年前已經喺度搵食，唔俾佢，司機會鬧走佢」
• 「又話要搞禮貌運動，唔明點解無人執法處理佢」
• 「呢個阿叔好耐㗎喇，長期響站頭⋯有次見個的士司機落車同佢互X，仲追住佢，佢先肯收手」
• 「旺角MOKO的士站依個『叔叔』已經好幾十年，印象中上過幾次報紙，都試過驚動警察又拉又鎖，但過一排佢又會出現…」
• 「老同（道友）先會咁做！」

心水清網民指出：呢個係自動門

也有心水清網民指出影片中的的士為自動門，基本不需要人幫手開門。「自動門佢幫乜X嘢，呢d廢老要X佢」、「隻門係的士司機開，同個呀叔無關」，有不少網民則認為這樣的做法會「影衰香港人」、「咁影響遊客嘅，都唔趕佢走」，認為應該要有執法人員處理，直指「搞到變返十幾年前的深圳咁！」。