畢業生返工壓力大到睇精神科 但驚做唔夠一年辭職會整花CV 網民：整花CV好過整花自己條命
廣告
香港不少打工仔從小被教導，經常轉工「坐唔定」會令人有不好印象，因此很多人即使對工作有多不滿，都死捱死忍，忍夠一年才轉工，務求令履歷表不要「花」。日前，有畢業生於網上求助，指自己返工壓力大到要看精神科，卻擔心未做夠一年就辭職會「整花CV」，詢問網民如何是好。
撰文：經一編輯部｜ 圖片：奴工處Facebook、Unsplash
被排擠兼經常OT
近日，有網民以「FG返工未夠一年就辭職，係咪會搞到份CV好差？」為題，向Facebook專頁「奴工處」投稿，指自己剛剛大學畢業，工作未夠一年，但每日返工都過得好辛苦，不能成功「埋堆」，被排擠，人工低之餘還要經常OT。
樓主續指，近日壓力大到「日日頭痛肚痛，手震心跳加速」，甚至要看精神科及食藥才能入睡，覺得自己真的捱不住，但又擔心只把幾個月的工作經驗寫落履歷表會予人不穩定的感覺，詢問網民可以如何解釋，以及擔心是否真的會「整花CV」。
網民：壓力大個人壞咗好難整
帖文一出，網民紛紛留言，一面倒力勸樓主先顧好自己身體，珍惜生命：
「整花CV好過正花自己條命」
- 「壓力大個人壞咗好難整㗎，如果只係擔心cv而冇其他concern就即走啦，咁後生怕乜，身體唔好老咗都係自己受，唔會有人賠返俾你，亦唔會有人可憐，要錫自己多啲」
- 「為咗份CV犧牲自己精神健康喺好愚蠢嘅行為!!!~ 如果touch wood 搞到要睇精神科張CV幾靚都冇用!!!~」
- 「身體最重要，第一份工只係成個career history嘅一小部份，為咗所謂整花CV，令自己嚴重抑鬰真係不必要」
網民：行出去你會發現自己好搶手
此外，亦有大量網民以自身經驗安撫樓主，指出其實若干年後回看，轉工不是大問題，有人更越轉越好：
- 「唔好迷信cv太jumpy會搵唔到工， 我呢兩年轉左4份，人工 * 左2.x 倍，最重要你點解釋同demonstrate你嘅能力」
- 「我做過十幾份工份份1-2年！大把人請，驚乜？如果驚就搵到先走」
「一開始我都以為太jumpy會好難搵工，但原來行到出去你會發現自己好搶手」
- 「我覺得反而fg第一份工無乜顧慮喎，咪話仲搵緊方向囉」
- 「大不了咪唔寫落CV，規定左一定要一字不漏架咩，就算有空窗期，都係任你吹之嘛… 況且咁大個疫情，乜都會出現啦…」
看到網民一面倒力撐，希望樓主識得作出明智選擇！
