港男北上租樓日花4小時坐高鐵通勤　 再到山姆超市買餸　網民:日日似去旅行咁

最近在香港討論區上，一名網民以「已經北上租樓，一年後北上買樓」為題，分享自己以在深圳用$2,000租到了一個1,000呎的寬敞住宅， 不過就要坐2小時高鐵返工，一來一回一共4小時，交通花費達$200/日，一個月上班22日便需要$4,400 。

港男每朝7點出門 夜晚8點到家 山姆超市買餸

港男在深圳租樓，每日要7點出門坐高鐵，9點到公司，6點放工再坐高鐵，晚上8點到家。即使每月花費$4,400交通費， 但食飯錢已平過香港一半價錢。而且開車40分鐘可到達山姆超市買餸，豬肉約$10，菜$1-$2， 大讚 ：「淨係食已經慳返車費」。

網民：非人生活

有網民讚：「聽到每日4個鐘都攰」、「日日返工放工都有去旅行感覺」、「萬水千山總是情，長途跋涉有得剩」、「有朋友住大亞灣， 唔連傢俬嘅話$1,500都有新樓三房，樓下飲飲食食有喜茶又太二，直接喺蓮塘打滴滴去一個鐘都唔使」；但亦有網民認為時間就是金錢：「每日咁樣用咗4個鐘就唔係享受」、「要4個鐘返工放工真係冇可能係好嘅生活」等。