18歲公屋男拒交$3,000蚊家用 月搵24K「痴飲痴食」：用嚟同居買車唔好？
廣告
畀家用向來是華人社會的千古難題，一名18歲的公屋港男在討論區發文呻，最近剛踏入社會工作，月入最多2.4萬，家人要求他每月交3,000元家用，惟他認為金額太高，直言「唔想畀屋企錢」，又計劃買車，被網民狠批自私。
18歲港男畀3K家用嫌多
日前，有網民在連登討論區以「阿媽係咁叫我畀家用」為題發文， 指自己現時18歲剛出社會工作，基本月薪18,000元，有時上夜班，收入可達到24,000元。
事主指，工作後家人要求他一個月付3,000元的家用。不過剛出社會的事主直言「第一次返工覺得$3000好多」，而且計劃儲錢考車牌和買車。
事主表示自己住公屋，家人月薪比他高，無大額消費，基本開支是一日三餐，「但係就係唔想畀屋企錢」，亦有考慮搬出去與女友租屋同居。
網民狠批自私：畀3K咁少都呱呱嘈！
帖文一出，引來不少網民熱討。有網民指，現今百物騰貴，事主「食屋企住屋企」，交3000元家用並不過分：
- 「出去住，交租都唔止。」
- 「你畀三千蚊，有房、有人做家務、有飯食仲想點？」
- 「好平已經收得，食住都畀埋你，少少錢你就係到叫，$3000一啲都唔過分。」
- 「$3000都唔畀，係唔係黐線，一係你每晚負責煮飯，做兩個鐘家務囉，淨係管理費水電費每個月都冇咗$1500啦，都未計日用品。」
- 「3000淨係當床位都公道啦，大吉利事講句食得你幾多年。」
- 「我當年搵18,000係俾8,000，咁都呱呱嘈。」
也有人認為事主收入未足以養一架車，為了買車而拒給家用亦略顯自私：
- 「3000元家用就唔捨得畀，買車就捨得？你覺唔覺得自己有啲自私呢？」
- 「住公屋仲想玩車，你知唔知要洗幾多錢，搭巴士咪得囉」
- 「你住屋企食屋企無得唔畀，而家水電煤食你估平？btw搵萬八就咪玩車啦」
- 「揾得咁少唔好玩車住，儲下錢，真係有閒錢先買啦」
有網民建議事主與家人坦白想學車，並商量減少家用金額：
- 「屋企唔係等你嗰嚿錢，咪直接同佢講嚿錢留嚟第時考車」
- 「你可以問下可唔可以少$1K for 你想學車」
同時，有不少網民稱會向父母隱瞞自己月薪，紛紛分享自己的做法：
- 「邊有人講真話，話自己幾多人工㗎」
- 「畀1,500，話搵12,000」
- 「過來人話你知，打後5年都話自己人工無加過，成日要扮到月尾好唔掂，返工皮費好重」
- 「20年前我初初出嚟做嘢，月入14500，畀5000家用。今時今日，月入係以前幾倍，但都係畀5000家用，自己搵幾多，千祈唔好同屋企人講」。
- 不過，事主表示「返親戚工，阿媽都知道人工幾多」。
- 最後事主決定將每月人工全部交給父母，又指自己想購入一架40萬的車，父母承諾會幫忙付全額。
- 「冇錢食飯問佢拎500，佢話到時候幫我畀車錢」。
連登仔自製家用量表
由於「畀幾多家用」沒有劃一的標準，曾有網民在連登討論區中列出6個項目供網民參考，以衡量應給多少家用：
- 「由細到大都俾夠零用錢你，放學有得買下M記」(+$1000)
- 「除必要開支外仲會洗錢係你身上，例如報下興趣班，玩下課外活動，俾錢你去下exchange、交流團」(+$1000)
- 「每逢過年新衫新鞋走唔甩，隔唔中都會買下嘢送俾你」 (+$1000)
- 「細個啲利是錢到大個拎得返，無俾父母落格」 ($+1000)
- 「讀大學幫你出學費，即使自己有返pt，間唔中都會問你夠唔夠錢，唔使你掛住返工無哂u life 」(+$1000)
- 「由細到大通情達理，唔會下下同你講錢，彼此關係良好」 (+$1000)
此外，也有網民「照板煮碗」，列出減家用項目，以父母對子女的「過錯」來釐定扣減多少家用：
- 恐嚇、企圖遺棄仔女 （-$1000）
- 經常打擊仔女自尊心（ -$1000）
- 係屋企食煙 （-$3000）
- 養而不教 （-$3000）
- 體罰仔女 （-$4000）
- 將自己脾氣發洩係仔女身上 （-$10000）
- 出軌/好賭/犯罪 導致家庭破裂 （-$10000）
圖片來源：unsplash@Alexander Grey、unsplash@emkal、政府新聞處
