港媽一行3人茶餐廳叫$60餐疑不滿最低消費！ 網民反撐餐廳：佢話你又冇錯！

港媽一行3人茶餐廳叫$60餐疑不滿最低消費！

這位港媽帶著她的兩名小孩前往該冰室用餐，到達後發現店內有告示指每位客人的最低消費金額為16元。事主考慮到孩子的食量，因此只點了一份60元的全日早餐（西冷扒司華力腸炒蛋茄汁豆黃梅醬厚多）來分享。然而，在等餐期間不斷聽到水吧員工表示不滿，多次抱怨事主淨係叫一個餐。

餐廳於事主一家坐下後便有提供兩杯水，事主後來再向店員要一杯水，就聽到該名水吧職員「單單打打」，勁大聲地投訴：「咁少嘢要成十杯水」，在事主一家進食期間，該員店又大聲地說：「一家大細坐咁耐」。

事主表示她和孩子在餐廳的停留時間其實並不長，由落單計起只係30分鐘，而且店內還有很多空位。最後事主於埋單事向女店員反映上述情況以表達不滿，對方不停地同道歉，但事主依然憤怒：「點解公司可以咁樣對啲客？如果最低消費唔係呢個價錢，請寫清楚，唔好搵食客出氣」。事主同時更投訴了該名員工的態度不友善，再追問「個男人係咪老細」，不過女員工就沒有直接回應，只回答：「我哋都受過唔少佢嘅氣」，可見該員工的工作態度一直為人詬病。最後事主氣憤地留下9字：「呢間餐廳真係無下次！」。

網民為餐廳平反：佢話你又冇錯！

許多網民也對該員工的行為表示譴責：「已經black list咗4年冇去食」、「見到所有最低消費既餐廳都吾會幫襯，呢個文化都吾知幾時開始，餐廳好吃既自然會叫多一二個餐，吾好食點解要俾錢受氣呢」、「幾年前新開張幫襯過一次之後已經冇再幫襯食物質素同服務都麻麻」、「今時今日咁嘅服務態度，執得啦！」、「大家越嚟越少出街食嘢係有原因」。亦有人指的確是事主問題，事主就以為叫一份$60餐點除開即每人$20，符合最低消費，但餐廳告示寫明要以人頭計，雙方對於「最低消費」的定義存在誤解而造成誤會，「白紙黑字…佢話你又冇錯喎」、「佢寫到明每位計$16⋯係應該每位都要嗌嘢㗎喎」。