港女為家庭旅行花過萬元　欲停交1個月家用　聽母親4字感到心淡

日前於Dcard上，一位港女以「交家用交到以為自己係債仔」為題，向網民呻只有一個月無交家用卻換來母親的4字回應。事主稱自有用工作後，每個月都會準時交家用。但今個月為家庭旅行支付了機票及酒店費用，費用已經過萬元，再加上在母親節安排了一頓豐盛的晚餐。由於支出頗大，所以事主打算停交一個月家用。

母親表示不滿：好耐無畀

然而，事主的母親對此感到非常不滿，甚至在親友面前責怪她「好耐無畀」家用。事主得悉後「即刻著咗」，原本以為家人會體諒自己，但卻因為一個月無交家用就像「債仔」般被追數。事主認為下次可能需要「影埋相講埋已經畀咗」來證明自己的付出。

事主指：「自問唔係話100分女兒，但係平時節日都會請下食飯買禮物，去旅行會買啲千幾護膚品同手信畀屋企人。其實呢啲都係發自內心，我並唔係話要啲咩回報，但係我真係無諗過會咁樣同我計到足」，感到非常失望。

網民：唔好再交

網民對此表示十分同情指：「咪當畀你睇清你屋企人，當正老奉養兒防老咁就唔使對佢咁好，佢只會覺得係應份」、「呢啲真係垃圾傳統，建議唔好再畀」、「唔好再畀，留多個錢為自己將來打算」等。