斥港商無良「扭蛋仲同你計十算」惹激辯：你都係出緊香港份糧㗎

港男斥港商無良賺盡市民「血汗錢」　「唔抵」言論惹熱議

該名港男於帖文中指「香港扭蛋仲同你計十算，十蚊店都係。大家聽我講，一於每個季度去一次鄉下入貨，化妝品又好，護膚品又好，零食又好，都唔好益本地無良商人。我自己每個月出糧就入YEN，最好跌多啲，跌到4算最開心，爆買唔嬲」。

網民激辯持兩極意見

言論引來網民兩極意見討論，有人認為帖主言論正確，自己已減低在港消費；不過亦有網民不齒言論，認為「講呢番說話嘅人根本無諗過香港做生意難處」。

反對方意見

有網民不齒帖主言論，留言指「其實有無聽過一句說話叫做 Biting the hand that feeds you？我唔覺得喺香港正正經經做生意有幾無良。 高人工加上高物價差唔多係一個惡性循環。 香港係我哋搵食嘅地方， 如果個個都係鼓吹你呢種思想並付諸實行， 好快我哋經濟完全崩潰， 到時我相信閣下都好有機會去日本做外勞搵食，到時一定求仁得仁」、「啲人好蠢，成日想香港經濟死，自己又靠緊香港份糧養緊自己。緊係周圍宣傳香港好玩好食啦，香港經濟好，你賺多啲，到時鍾意去邊玩咪去邊囉」、「好心啦爭十蚊八蚊就喺香港買，呢半年不停有連鎖執笠，有陣時啲嘢自己心裏有數，你都係出緊香港份糧㗎」。

支持方意見

「無唔無良同正唔正經係無關係，好多嘢仲十算明顯係食水深，你要支持你咪自己支持，你睇吓Donki而家咩環境，無人去日本咪幫襯你﹐有得揀你仲賣咁貴咪等死囉。識基本經濟學就知減價唔係一定賺少咗, 唔好咁simple」、「錢跟價走，係正常經濟現象」、「每季又誇張咗，不過喺香港除咗必要開支，其實都好少消費，留返出外」、「水向低流， 邊個吸引到啲客，啲客咪去邊度消費。成日怪人唔留港消費，不如檢討自己先，無禮貌，無heart嘅出品，求奇出咗單就算，成日要排隊，搵張櫈坐吓都無嘅商場」。