新宿12點仍人山人海震撼港人「真係好癲」 網民熱論:港人主流健康生活
廣告
現時只要打開社交平台,總會見到到朋友有去旅行的途中,以及在準備去旅行的途中,當中更是有一半人打算到訪日本,可見日本相當備受港人喜愛。近日,就有網民分享去到東京後,被當地的夜生活震驚,引起不少港人討論!
「日本新宿12點仍人山人海」港人超震撼!
近日,Facebook專頁「糖水雄」發布帖文表示「真係好癲,新宿夜晚12點幾,都仲有咁多嘢食;夜晚10點幾渋谷人山人海,回想起來我哋以前收凌晨三點半、二點才是我們的黃金時間」並曬出多張照片,見到日本的街頭上人山人海,宛如「不夜天」,隨後他又不分享自己在東京的感受,包括當地人群多到難以上地鐵、凌晨2點仍然旺場。
![香港夜生活 夜晚12點的新宿 (圖片來源:Facebook@糖水雄)](https://imgs.gotrip.hk/wp-content/uploads/2024/06/441921264_1388712661927708_7721059949826184927_n_4704920386669762578937.jpeg)
網民熱論「尖沙咀10點已經無乜人」VS「港人重視健康生活」
而帖文引起網民討論,不少人都表示被日本的夜生活震撼:「上星期去完東京,車站08又係咁多人,22又係咁多人,我懷疑日本人係唔使訓覺」、「訓唔著可以落去兜返轉同買野食」、「歌都有得你唱『新宿街頭十餘萬人 怎樣竟然撞回熟人』」、「1月嗰陣去過,人地東京就堅夜繽紛喇」
甚至有人嘆:「尖沙咀依家10點已經無乜人,見AEON收11幾surprise。」、「個畫面好親切, 好似以前嘅銅纙灣, 難怪日本被譽為香港人嘅鄉下」、「香港晚上十點之後冇啖好食,午夜場已經成為歷史!」不過亦有人認為香港的情況不能與東京作對比:「香港人主流健康生活,唔多人愛夜繽紛」、「得新宿係咁咋,其他車站9點後已經好靜,新宿紅燈區你懂的,等於已前旺角砵蘭街。」
圖片來源:Facebook@糖水雄