港人已被內地人同化？網民狠批5大最新壞習慣用行為代替講唔該

社會熱話

Apr 11 2024

打尖、推撞而引起的爭執和衝突屢見不鮮，特別是在交通工具或主題樂園內，不時都會看到有人苦呻被其他乘客或旅客插隊，影響全日的心情。早前，有網民於討論區發文力數香港人近年「進化」的5大壞習慣，當中竟然包括港人經常狠批內地人的部分行為，似曾相識，引來大批網民爭論究竟是港人的質素下降，或是被內地人「同化」、「帶壞」？

港人5大最新壞習慣出爐疑用行為代替講唔該

壞習慣當然要改，但有時有些壞習慣可能自己不自知，又或是已經根深蒂固難以改變。日前，有網民在討論區上以「有冇發覺香港愈嚟愈多人有呢啲習慣？」為題發文，文中數出5大港人近年開始出現的壞習慣。

當中包括「入𨋢之後唔會撳閂門，等佢閂」、「踩到人扮唔知，周圍望」、「地鐵衝門，俾門夾親會好開心咁笑」、「上落電梯會頂開你，代替講借借」，以及「有啲冇指定要排隊，但實際上需要排隊嘅地方，會借啲倚打尖（例如去食buffet排刺身）」。

壞習慣入𨋢唔撳閂門已變新常態。（劇照，非當事人）（圖片來源：SBS《來自星星的你》劇照） — 入𨋢唔撳閂門已變新常態。（劇照，非當事人）（圖片來源：SBS《來自星星的你》劇照）

眾人意見不一揚言生活在香港難以保持客氣

發文者的帖文引來大批網民關注，更在短短1日內收獲超過2千個正評。有網民紛紛留言表達個人睇法，直指自己都認同發文者的觀點，特別是「入𨋢後唔撳閂門」一事，坦言「覺得冇問題，有時唔趕時間，等佢自己閂門」，亦有人表示應該由「最後一個入𨋢」或「最近門口」的人負責撳𨋢。不過，最多人贊同的竟是有網民揚言「係呢個XX地方我洗X同你客氣」、「我就係要玩無賴」，只因在香港生活「平時接觸到既陌生人9成都係XX黎」、「你要做好人就會好X痛苦」。

壞習慣網民坦言在香港「就係要玩無賴」。（劇照，非當事人）（圖片來源：TVB《愛回家之開心速遞》劇照） — 網民坦言在香港「就係要玩無賴」。（劇照，非當事人）（圖片來源：TVB《愛回家之開心速遞》劇照）

網民再添1項質疑港人遭同化

有網民就指除了發文者所列的5項壞習慣外，尚有一項為「越嚟越多人係巴士/地鐵大聲播片」，更形容以上所有均是「新港人」習慣。當有網民質疑港人的質素每況愈下時，有網民就無奈指以前港人會抱怨內地遊客經常打尖或推撞，對現時已經逐漸被「同化」感到可惜。惟有網民就疑似想推卸責任，將矛頭指向內地人身上，揚言「香港愈嚟愈多大陸人」、「一齊生活耐咗係咁架啦」、「新香港文化」。