泊車攻略︰三招慳家泊車

貼士一︰善用傷殘人士車位

為顧及特殊人士需要，巿區有許多傷殘人士車位。傷殘人士並不一定是身體有缺肢，其實患有長期關節問題的人士（例如關節退化），經醫生診斷後，合資格患者可運輸署申請傷殘人士泊車許可證。

持有許可證人士可豁免收費使用設有收費錶的路旁泊車位、可使用傷殘人士專用泊車位，以及半價使用任何運輸署轄下政府停車場的特定停車位。

貼士二︰吼實商場泊車優惠

零售巿道轉弱，各大商場各出其謀推出停車優惠，例如荃灣愉景新城推出30元泊15個小時優惠，平絕全港。

事車上，今時今日，各大巿區停車場平極都20元一個小時，現時俾多10元可以泊多14個小時，已經無得彈。

不過，優惠受條款約束，商場方面列明，車主需要在早上六時至十時入車；泊車後要向商場登記；以及需在商場以電子形式消費50元。

鑽石山荷里活廣場定期推出免費泊車優惠，私家車駕駛人士只須出示相關的圖片，毋須購物都可免費泊車三小時。

貼士三︰鄰近超平泊車屋苑

有研究顯示，本港大部分車主屬於「假日車」，不介意行兩步或接駁一程車的車主，可以留意鄰近的超平車位，車位使費隨時可以減半。

例如青衣盈翠半島車位月租達4,500元，駁一程車至葵涌廣場，車位月租僅2,500元，即時慳44%。

若選擇泊深井豪景花園，月租更低至1,400元，每月慳番69%。行遠少少節省數千元，抵唔抵就見仁見智。