比渣馬還吸引的馬拉松

其實，全世界仲有好多馬拉松，好多氣氛及安排都比渣馬好，小編就精選咗以下四個唔同特色的馬拉松畀大家，有啲紀念品價值仲高過報名費，報唔到渣馬的朋友，不妨諗諗轉戰外國。

名古屋女子馬拉松 送Tiffany鏈

這是一個女生專屬的跑步派對，除了因為只歡迎女生參加之外，經典之處在於完成馬拉松挑戰後，可以從俊男手中接上令每個女生都心動的完賽禮 —「Tiffany鏈」，至於送手鏈定頸鏈，就要睇個年官方送乜啦。

有買開Tiffany的朋友都知，一條鏈最低入場費都要過千元。依家名古屋馬拉松報名費只係10,800日圓，按目前約每百日圓兌港元係6.5計，即報名費大約700左右，真係跑得完的話就賺哂。

而馬拉松展覽會場也提供指甲彩繪及彩妝服務，十分嘉年華一樣，跑完仲有得玩。不過2016年已截止，但大家可以部署定名年參加，大約每年8至9月就開放報名，記者MARK低。

今年舉行日期：3月13日
報名時間：約每年8至9月
報名費：10,800日圓
詳情：http://womens.marathon-festival.com/en/outline/chinese2/

(圖片來源：Tiffany網站)

靜岡哈密瓜馬拉松 食生果食飽

顧名思義，這個馬拉松的特色就是參賽選手能吃靜岡最出名且價格昂貴的哈密瓜！在靜岡，這個原產地販售的哈密瓜價值約5,000日圓，但運至東京販售後，價格就會升至10,000至20,000日圓。

靜岡環境優美，參賽者途中會經過袋井著名的「遠州三山」等景點，整個路線風景完全沒有重複。而最特別的地方是其補給站除了提供基本的水及運動飲料外，其他的都是日本產的水果，如蜜柑、香蕉及士多啤梨！而最出名的哈蜜瓜則要跑畢全程才有。

日本的水果質素高是常識吧，未計皇冠哈蜜瓜，就算只吃蜜柑和士多啤梨也值回票價！而且呢個馬拉松十分抵，舊年的報名費只係6,000日圓，計返港元唔洗400，抵過跑渣馬啦。

今年舉行日期：未定(但一般為12月第二個星期)
報名時間：約每年5月底
報名費：6,000日圓
詳情：http://fukuroi-sports.jp/

(圖片來源：魏華萱BLOG網絡圖片)

台中全國英雄馬拉松 豐富紀念品殺食

在台中其中一個最大型的馬拉松，光看名字已覺得十分有霸氣。但最霸氣的其實是其紀念品，每位海外參賽者均能得到一對波鞋、一件風褸、一頂帽子等等，十分豐富。

雖然紀念品唔算十分出名的牌子，但報名費500港元有找便有如此多紀念品，再加上參與人數多，氣氛十分濃厚，大家不妨部署明年參予。

今年舉行日期：3月6日
報名時間：約每年11至12月
報名費：1,880新台幣
詳情：http://bao-ming.com/eb/www/activity_content.php?activitysn=1153&contentsn=6776

(官方網站圖片)

橫店馬拉松 平遊影城

大家經常在娛樂新聞聽到的橫店，原來每年也會開放給大眾跑馬拉松。參賽者沿途會路過旅遊景區橫店影視城的景點，如廣州街、香港街、明清宮苑、明清民居博覽城、夢幻谷、秦王宮、清明上河圖、華夏文化園等；選手們可一邊跑一邊拍照。跑手會遇上一些古裝人物在賽道兩旁為你加油打氣，十分特別。

最緊要係報名費夠平，只係100元人民幣，係渣馬三分一價錢。睇返橫店影視城官網，係國家5A級旅遊景區，門票一啲都唔平，任選五個景點的門票價都要480元人民幣，而單一景區價錢都幾貴，夢幻谷190元人民幣、秦王宮及清明上河圖各145元人民幣、明清宮苑135元人民幣、廣州街及香港街就要110元人民幣等等，今次一個馬拉松就跑哂上述景點，門票賺哂。

依家橫店馬拉松仲報緊名，3月底截止，報唔到渣馬的朋友，又或者跑完渣馬但唔夠喉想再跑的選手，平平地不妨考慮報名。

今年舉行日期：4月10日
報名時間：3月31日
報名費：100元人民幣
詳情：http://www.hdmarathon.org/

(官方網站圖片)