月入2萬 vs 月入10萬 高收入搭唔慣巴士地鐵、無視百佳買一送一優惠？網民：搵幾多都係上唔到車
撰文：經一編輯部｜圖片：Unsplash、AM730
日前，有網民於連登討論區以「香港月入10萬及月入2萬嘅分別」為題，討論香港月薪10萬及月薪2萬的打工仔，在心態及行為上有何不同。樓主認為，月入10萬的高薪人士，在生活各方面，均與月入2萬的打工仔不同。
月入10萬使得豪啲？
1. 超市減價
首先，樓主表示月入2萬的高薪人士在消費方面，較月入10萬的打工仔慳家。他以超市掃貨為例，當「超市買兩pack檸檬茶有特價平10蚊」，月入2萬的人會買夠2排，甚至買得更多。
相反，月入10萬的人卻不會在意這些減價，部分人甚至會覺得「拎兩pack番去好重，買一pack算」。
不過，有部分自稱月入10萬的網民，卻不認同樓主觀點，指自己都會去百佳買減價貨品，就算收入增加一切亦沒有改變。
2. 信用卡
樓主認為，月入2萬的打工仔會用幾張信用卡，惟月入10萬的人只會用1張卡，因為「要同時記幾張唔同卡數好煩」。有人留言回覆，稱自己月入10萬，表示：
「當（信用卡）八達通咁用，唔爆就由佢自動轉帳找卡數，未必會記同計卡數。」
又有自稱月入10萬的網民回覆，指無論信用卡有無著數，都不會申請，因為覺得好麻煩，購物時會使用現金，不夠現金就用EPS，從來都不會在乎用信用卡消費儲飛行里數，搭飛機會直接買機票。有月入2萬的打工仔卻表示，自己1張信用卡都無，並非樓主所講的用數張卡。
3. 訂閱Netflix、Spotify
樓主又舉例，雖然兩者都會訂閱各種收費計畫，包括Netflix、Spotify等。但最大非差別是訂閱心態：
月入兩萬的打工仔會「周圍搵人夾plan，要用盡個plan嘅quota」；反之，月入10萬的人士，會選擇「1個人join plan，根本唔知/唔care個plan可以share幾多個device/users」。
有自稱月入10萬的網民卻反對樓主的觀點，指自己甚少訂閱任何計畫，就算有，一定會在試用期內終止。不過，有人卻回覆，指這類月費計劃通常幾十元，認為大部分人都不會計較。
月入10萬食飯唔會浪費時間排隊
民以食為天，樓主指出，月入10萬的人普遍會側重食物的質素，以及不會浪費時間排隊，但月入2萬的人寧願花時間排隊半個鐘，食一間性價比高的餐廳。
不少網民附和樓主的觀點，指月入10萬的人從來不會浪費時間排隊食飯；又有人指「10萬食嘢唔使睇價錢，1餐4位數無感覺」；有網民同意月入10萬的人食飯不需要在乎價錢，幾十蚊同幾萬蚊都會食，米芝蓮、大排檔都會食：
「早餐食個包，平時都喺公司lunch，都係茶記，夜晚大部份返屋企食。可能weekend食下好西，最貴嘅去到啲米芝蓮$6,000，2個人。」
唔慣搭巴士、地鐵 通常揸車代步
無論是月入幾多，少不免仍要外出。樓主指，月入兩萬的打工仔只會搭公共交通工具，會苦惱坐巴士還是地鐵，惟月入10萬的只會乘搭的士或Uber。有網民認同樓主的觀點：
「最大分別係唔慣搭巴士地鐵，而家只會Uber/揸車。」
「9成時間是自己駕車，幾年無坐過巴士地鐵，只會坐Uber、的士。」
不過，有人卻強調，月入2萬還是10萬的人都會選擇駕駛私家車代步，最大的差別只是選擇哪一條隧道過海，月入10萬的人會揀西隧，就算收費較高，至少不會塞車浪費時間。
網民：一切都是心態決定境界
雖然樓主列舉月入10萬及月入2萬的差別，但惹來許多網民抨擊樓主的觀點。他們相信，月入10萬的生活雖有千千萬萬種，但部分仍在過普通人的生活，一切都是心態決定境界。
「只有離月入十萬好遠的人才會覺得有特別的生活。大部分月入十萬的香港人過的是普通人的生活。因為物慾強的人的本質就是窮人，有能力的人才不會有低等的追求。」
「我識個搵廿幾三十萬投行人，同我講支付寶拎印花減3蚊啦，都係mtr、大快活，係會成日去食Omakase。」
「我搵得多同以前搵得少，都係以最平最抵去拎到最大利益。我有錢咗唔代表我要使錢係啲無聊嘢度，講得出咩搵得多同搵得少就使錢會有好大分別，即係你仲停留係底層。」
又有人表示，「多咗錢使唔等於要使 」，物質生活的享受即使變得多，仍然喜歡食燒賣魚蛋碗仔翅。
有人卻相信，兩者最大的差別，莫過於是月入10萬要交10幾萬稅，但月入2萬的稅項僅幾十蚊。不過，都有網民表示，在香港樓價高企的情況下，無論是月入2萬抑或是10萬，始終無法上車買樓。
