曾俊華慨嘆「香港零售業好大鑊」非適當時候加稅、倡政府支出「放血」

對於沙田新城市廣場一田百貨將會縮減規模，曾俊華指不少朋友都很感慨：「覺得又有一啲好熟悉，經常去嘅商店，逐漸消失，變哂樣。」他回憶上世紀80年代初，回流返港之後，在政府第一個工作崗位，就是沙田助理政務專員。當時正值日資百貨公司八佰伴在新城市廣場開店：「嘩，當年呢件真係沙田區嘅盛事嚟，為咗慶祝佢哋開幕，我哋同沙田區議會，仲合力完成喺城門河，放煙花嘅創舉，我諗呢件事，唔少『沙田友』仍然津津樂道。」

然而現在走上街，卻發現香港變了樣，曾俊華說：「你都會感受到，香港嘅零售業好大鑊，前景相當困難」，但他認為要接受港人北上消費、去物價低的地方購物，正如水向低流，是自然不過的事。但他強調：「香港一定唔可以再同人鬥平、鬥齊、鬥多，一定要做番啲有質素嘅嘢，突出到香港品味、香港獨特lifestyle嘅嘢。」

他又指，環顧世界各地大城市如東京、倫敦、紐約、巴黎、米蘭甚至摩洛哥，多年來其本身文化、氛圍沒有大改變過，如東京「天王」的神秘感、米蘭獨有的藝術、時尚等，是其自身獨特之處。他續指「香港點解反而會忘記，自己本來最美嘅一面呢？香港零售業面對嘅危機，正好是一個給大家轉身的契機。」

最後，曾俊華表示仍然相信香港人的智慧，但是「喺依家呢個經濟轉折關口，我諗都唔係最適當時候去加稅，反而要喺支出方面『放血』，做呢樣嘢短期嚟講係會傷身，但如果係正確嘅嘢，就要畀啲勇氣去堅持。 」