日本Airbnb 辦公室 Dream office典範
廣告
呢D先叫Office 嘛! Airbnb 在日本東京新開了一間辦公室，設計上盡花心思，融合大自然及日本文化，裝修用上木板外牆，又用上木製樓梯，打通兩層以增加自然光進入，其中一條長長的木地板由接待處連接至咖啡室，簡直是「辦公室的世外桃源」，員工見到Airbnb 咁花心機去裝修辦公室，生產力都自然會提高啦!!!
撰文：Caleb
裝修得咁有心思，辦公室的設備自然應有盡有，工作間有公共工作枱，可與同事一起傾話互動；有私人講電話空間，唔怕比人聽到你講電話；有可調較高度的桌子，切合不同同事需要，真是貼心喔；仲有休息室和咖啡室，真是夢寐以求。
原來呢間以大自然為主題的辦公室是公司收集員工意見後而得來的，公司為了給員工在嘈吵的工作中有喘息的空間，特別劃出一個空間放置榻榻米(tatami)，讓員工可以掉下鞋休息一下，既有日本風情，又可在百忙中享受一下，大家係咪已經流哂口水呢?!!
最正的是，員工們唔一定要坐定定係一個位置做野，東京呢個Airbnb 辦公室在窗旁安置了很多咖啡枱和咖啡椅，給員工多多工作空間，如果嫌自己的位置唔岩坐，又或無心情，不妨去坐坐，精神和力量即時番哂黎。
就連接待處的設計都別有用心，接待處空間寬闊，四周都有窗戶讓自然光進入，立刻讓客人猶如置身於戶外的咖啡室之中，加上用米白色的窗簾，貼近日本地道茶房的樣子。
整個工作空間都是用上自然木質的顏色來做主題，番工同去郊遊完全無分別，令人心懭神怡。
延伸閱讀：
【台灣民宿值得投資？】
http://www.edigest.hk/Finance/detail?id=24967
【不一樣的旅程！5大Airbnb奇特住宿】
http://www.edigest.hk/Vip/detail?id=3746
