放假收到同事WhatsApp覆唔覆好？網民獻計用兩個手機號碼

撰文：經一編輯部 ｜ 圖片：Unsplash

放假收到同事WhatsApp點覆？

日前，一位打工仔於香港討論區發文，指放假期間，有同事sendWhatsApp問公事。樓主不想回覆，當下便將訊息刪除。不過，樓主卻好奇其他網民遇到同類情況會如何應對，因而發文，集思廣益，尋找解決方法。大部分網民向樓主示範，如何向對方表明當天為假期，返工才會回覆。

• 返工話你知！
• 唔知啊，放假中，無資料。
• Today is holiday…
• 你答佢：今日天氣呵、呵、呵。

由於放假本應不用開工，部分網民認為可直接無視訊息，或選擇已讀不回。

• 直接ignore當睇唔到。
• 簡唔簡單都唔應該答，做壞規矩。
• 無視佢，繼續放假。返工先答！

網民：可根據迫切性決定應否回覆

不過，有網民卻認為即使放假，應因應對方訊息內容的重要性，再決定回覆與否。如遇到一些緊急的問題時應回覆。又有網民認為，覆message十分簡單，就算放假亦應該盡可能回覆。

• 緊急會覆，無謂當睇唔到。
• 問咩先？你無講清楚，可能問你聖誕有無出去玩呢？如果問你工作，你可以選擇答或不答！
• 得閒又simple 咪覆，如果連覆n個（多個）message太麻煩就返工先搞。
• 我不是工作狂，有問題問我照樣會答覆佢哋！人生如戲！有何不可？做人不需要這麼小家！
• 覆個message有幾難 …如果急嘅就要覆喇，如果唔急嘅，就係小事，小事好快覆完!!

只覆上司、老細message？

樓主向網民坦言，send WhatsApp的同事職位比自己低。其他網民認為，假如是上司的訊息，應該回覆；若級別比自己低的員工，又沒有迫切性，則沒有回覆的必要。

• 既然樓主都話，嗰個係低級過佢嘅同事，問嘅係簡單嘢，咁點解唔答？！
• 放緊公眾假期，答佢係人情唔答係道理，咪當賣個人情畀佢囉，樓主都識講自己高級過佢，咪當建立識撈啲/高級啲既形象囉。個低級點解假期走嚟問，極有可能佢驚自己公眾假後先問，佢會唔記得咗，唔答，俾個低級嘅喺pantry唱你，都唔好啦。

網民：怕做壞規矩！

不過，有網民擔心於放假期間回覆訊息，「會做壞規矩」，讓對方容易產生慣性依賴。倘若之後自己放假，就沒有理由不回覆同事的訊息。

有時做好心答完第一個問題，佢見你會覆佢，之後就會問第二、第三、第四個問題……直至你頂唔順為止，沒完沒了。

有見及此，有網民提出三點，建議打工仔放假期間覆message前應自行衡量

1. 睇下交情深淺
2. 睇下係唔係慣性依賴
3. 答佢一次然後講放緊假，無特別下次可返工才找你

用兩個手機號碼避免問題？

除此之外，又有網民獻計拆解這個兩難的局面。該網民則教路，指打工仔應使用兩個電話號碼，將公私事分開，放假期間絕不使用公司電話，自然不會出現上述的矛盾。

開兩個電話號碼 / WhatsApp ，公司個號碼喺放假、放工嘅時候，死都唔開嚟睇。有咩就話電話無電、喺屋企放埋一邊聽唔到， 唔知有訊息。

如果有電話打嚟，點算？呢個號碼在非工作期間，勿聽，或飛線去火星！

延伸閱讀：【也許換水很難】Office換水攻防戰 猶如捉象棋 敵不動我不動？網民：有啲人寧願渴死都唔肯換水

延伸閱讀：老闆質疑打工仔去廁所點解仲有糧出 認為應設「廁所拍卡機」網民：唔可以同時諗緊點覆Email咩？